اشحالكن بنات..؟؟
بتخبركن شو الاشياء المهمه اللي لازم اشلها معاي بالسفر حق بنتي اللي عمرها سنه ..؟؟
والله محتاره اقدر اشيل معاي الجاري مالها والا ما يستوي …؟؟!!!
اما بالنسبة للاشياء الباقي تقدرين تشيلين وياج جدر الضغط عشان تسوين فيه عيش و خضرة مفورة عشان الغدا و السبب لان البنت ممكن ما تتعود على اكلهم عشان اول مره ….
اما بالنسبة للاشياء الثانية عاادي مثل ( الدواء كل الادوية شليها وياج – الحليب لازم تاخذين شي يكفي المدة اللى بتروحينها – البامبرز ممكن تحصلين هناك بس تشلين وياج عشان ما تيلسين ادورين هناك)
و إذا بغيتي اي شي انا حاضرة…
بس لاتنسين أهم شي الحليب يمكن ماتحصلين النوع إللي تشربة في البلد إللي بتروحينة
والعربانة طبعا لازم تاخذينها وتكون وي الشنط مب داخل الطيارة ممكن تستخدمين العربانه إللي في المطار تستخدمينها لين باب الطيارة وتخليها برع
سفرة موفقة
يزاكن الله الجنه
بس عن العربانه انا اقصد لو بتمشى عالبحر او المولات مابقدر اشل عربانتها وياي …؟؟لانه مستحيل اتم شالتنها انا وابوها في كل مكان انروح له 
طبعا العربانه مهمه جدا اخذي عربانه خفيفه راح تفيدج جداااا بدونها راح تتعبون
بالتوفيق ان شاء الله
شلي العربانة لين باب الطيارة ..هناك هم بياخذونها عنج وبيعطونج وصل وبيحطون عليها استيكر..ولما توصلون بالسلامة ان شاء الله تسلمينهم الوصل وبيعطونج العربانة…
ولا تنسين تشلين دوا الحراره أو اذا كانت تستخدم ادوية ثانية..ولا تنسين بعد تحطيلها شنطة صغيرة حق غيارتها من بامبرز وملابس احتياط لما تتمشون وبسكوت وعصير مثلاً..ولحاف او غطاء صغير عشان اذا نامت فالعربانة..وكلينكس عادي والمناديل المعقمة او المعقم ..تعرفين اليهال وايد يوصخون..
اكيد بتقولين واااايد.. بس بالنسبة لي لما اسافر لازم هالاشياء وياي…وكل شي عندي احطه احتياط..ماتدرين شو يصير
وسفرة موفقة ان شاء الله..واي استفسار احنا حاضرين
الا عندي بنت وحده ما احتاج لمربيه..وماشي شغله اسافر اغير جو ويا ريلي وتكون معاي مربيه جنها حارس هههههههههههههههههههه.. عالعموم تسلمين عالرد