واللي بتساعده على النوم من الساعه 7 او 8 الى الصباح باذن الله
هاتي زيت الزيتون وعملي مساج للطفل مساج خفيف
لانه المساج بيخفف عنه شوي الام البطن وبيطلع الغازات
دهني جسمه بزيت الزيتون كامل حتى الراس
جهزي الحمام الدافئ للطفل وخليه بالماي لمدة عشر دقايق
وغسلي جسمه بغسول ريحته خفيفه
بعد الاستحمام طبعا عدة الكريات ووالبودره وملابسه اتكون جاهزه
تدهنين جسمه بكريم وبعدين الفودر لاتعطرين جسمه وانما عطري ثيابه بعطور جون اند جونسون
ريحه خفيفه وطيبه ودايما اختاري الازرق والاخضر
بعد الحمام والمساج بيكون يوعان لانه بذل جهد في الحركه والصياح
طبعا ترضعينه حتى الاشباع ولازم بعد الرضاعه ادقينه على ظهره لمد ربع ساعه
لين مايجتدع
وبتشوفين طفلج ان مانام نومة العوافي اللي بتكون اليه من آلام المعده والسبب الغازات
وبيكون مرتاح في النوم
بعد ماينام اتشغلين الايات القرانيه واتقصرين عليها
وبيكون لج وقت تتسبحين فيه وتاخذين راحتج مع بوالشباب
لكن اهم شي اتيمين الساعه ووقتج انه كل ساعتين حاولي ترضعينه وياخذ شبعته وهو نايم
ولاتنسين ادققين ظهره بطريقه هاديه لين اجدعينه
بعد الساعه 11 رضعيه كل ثلاث ساعات او على حسب الطفل مع تبديل الحفاضه
بس اهم شي اترضعينه وهو راقد علشان يكمل رقاده
تترين الطفل ينش ويصيح علشان يقولج انا يوعان ارحميني ورضعيني
وانشاءالله تستفيدون من طريقتي اللي اتبعتها مع اطفالي الثلاثه والحمدلله
اللهم اغفر لوالدي وارحمه واجمعني به في جناتك يارب
ماقصرتي اختي
يبيلي اجرب اليوم هالحركة على ولدي
اهوة عمره 5 سنين
باسوي له جلسه مساج
وعقب باسبحه
ونجوف عقب بشنو يحس ( :
لأنة اهوة مأذيني على الرقاد
واهم شيء نهيء له المكان وبشغل له القرآن
مشكورة اختي وفعلا ممييييييييز
عاد من يوم ما ولدت والكل يقولي افركيجسم ولدج بزيت زيتون و انا ماارد عليهم هههه