طفلتي لها فتحة تنفس بالحنجره من مطبخ الامارات

خواتي عندي بنتي عمرها الحين اربعة شهور ….يوم كان عمرها شهر سوالها الدكتور فتحة بحنجرتها لأنها تعاني من انسداد كامل فالحنجره
…والى الأن هي بالمستشفى .. ودربوني على تغيير( التراكي) اي البيب اللي بالفتحة
وتغييره بالكامل حتى استطيع اخذ بنتي معاي البيت بس انا جدا متخوفه من ذلك
من اي اختناق لا سمح الله لها في اي وقت مع انهم علموني عالاسعافات الأوليه وعلى كل شي
بس اظل ام اخاف اني لا استطيع التصرف في اي حال من الاحوال
فياريت اي وحده عندها مثل حال بنتي تخبرني عن خبرتها وتنصحني بما يعود علي بالفائده

اسال الله العظيم رب العرش العظيم ان يشفي بنتك
وما عندي خلفيه عن الموضوع بس توكلي على الله

والي ربج رايدنه بيستوي سواء كنتي موجوده او بعيده

… حبيبتي اذا حاسة انج بحاجه لزيادة من التدريب عادي خذي وقتج و خليهم يعلمونج اكثر على الموضوع لين ما تحسين انج متمكنه .. و خلي ريلج يساعدج فالموضوع .. و سوي كل شي بهداوة حتى لو صاحت حاولي كثر ما تقدرين اتمين هاديه و مركزه .. لان مب ع شرط تتويع بس مجرد ان البيبي بطبيعته يصيح .. فا لا تتوترين و إنشاءالله خير ..

فديت قلبها ماتشوف شر انشاءالله و ربي يعافيها

اسال الله العظيم رب العرش العظيم ان يشفي بنتك

الله يشفيها يااارب ويصبرج ان شا اللله اختي