اشحالكن خواااااااتي عسااكن بخير !!
امنوه منا ما تحب الصلصااااال ….أكيد الكل يحبه 
اتذكر يوم كنت صغيره كنت اسوي سله فواااكه من الصلصال
والحين يوم كبرت ويبت العيال طنشناااه شوي بس يوم سجلت ولدي في الروضه استانسوا عليه لانه ما شاء الله عليه شاطر هههههه بس المديره والمدرسه نصحوني ابدا وياه بالصلصال عشان عضلات الايد
وقالن انه وايد اوكيه يمرن العضلات ونفس الشي المقص البلاستيكي فيوم بدى ولدي يحب الصلصال عطتني مدرسته هالطريقه وقالت لي جربيها وييبيها لنا والحمدلله نجحت الخلطه لانها ما عرفت تضبطها
والحلو في هالخلطه انها آمنه للصغااااريه واحسن من اللي تنباع فيها مواد ضاره وما تيبس بسرعه على حسب كلامها هههههههه فقلت بطبقها مره ثالثه وبحط الطريقه لخوااااااااتي عشان يسوون لعيالهن
المقادير
كوب طحين رقم 1 ( كوب الماي استخدمته للقياس)
كوب ماي
نص كوب ملح
ملعقه أكل دهن
ملعقتين صغار بودره الترتار(بتحصلونها في سبينس او شويترام ويمكن في كارفور)
ألوان طعام ( اللي يستخدمونه لتزيين الكيك ) استعملت مقدار غطاه وحده
وهذي الطريقه بالصور
عقب ما خلطنا المقادير مع بعض نحطها على نار هاديه مع التحريك المستمر
اتمنى تعيبكم الطريقه واطبقونها ويستانسون عياالكم
اوبس لحظه ولدي زعل
ربي يخليلج ايآآآآآآه
يبيلي اجرب بس ناقصتني بعض الاغراض
خاصه انا من النوع اللي يكره الصلصال لليهال
لانه فيه انواع تلصق بالايد وما تخوز احسها مرض
تسلمين