انا كنت وايد يوعانه والخدامه نايمه وانا ما احب الطبخ وااااااايد ورحت سويتلي كم اكله على الطاير بس بصراحه وايد تعبت وانا اطبخ
وقلت بنزل الصور لبنات المدونة الحلوين لازم اخليكم تستفيدون من شطارتي في المطبخ
سويتلي بيض مطبوخ
يبت بيضتين وحطيتهم على النار مده ربع ساعه تقريبا
لين ماحسيتهم انهم استوا وعقب قشرت القشر وقطعتهم صغير ورشيه فلفل اسود وملح
………………………
وعقب سرت وسويتلي كوب جاي حليب
كنت بكتب الطريقه بس قلت اكيد تعرفونها
……………………………..
وسرت فتحت الثلاجه ونزلت لين اخر الثلاجه تره انا احط الطماط في درج في اخر الثلاجه ويبت طماطه صغيره وقطعتها مربعات وحطيتها في صحن صغير
…………………………….
وعقب سرت وفتحت الثلاجه ويبت منها لبنه البيتزا كنت شارتنها من القريه السوريه وحطيتها في الصينيه
………………………………
ويبت جبن ومربى وحطيتهم في الصينيه
………………………………
وكان عندي خبز بس كسلت اسير ايبه لقيت جدامي كيس صمون حطيتها في الصينيه
………………………………
وخلصت الطباخ الحمدالله يلست في المطبخ ساعه لين ماخلصت
والحمدالله طلع شكل الطبخه رهيب رووعه قلت لازم احط الصوره لكم
.gif "12 (61)")
شو رايكم ؟؟؟
هي صح الاكله تعب بس تستاهل هالتعب كله .gif "12 (80)")
ممكن اتسويلي سندويجه من ايدج الحلوه لووول