طريقتي الخاصة في حفظ البطاطس!!وفري وقت ومجهود وكلي احلي بوم فريت اشغال يدوية

تعالو ندخل في الموضوع علطول هاتي كمية بطاطس كبيرة وقشريها وبعدين قطعيها اصابع والسمك حسب الرغبة وبعيدين اغسليها بالماء
هاتي حلة كبيرة زحطي فيها مية للسلق علي حسب كمية البطاطس وحطي فيها ملح وخل وحطيها علي النار وحطي البطاطس في الحلة وخليها تغلي غلوتين بالظبط يعني نص سلقة وبعدين صفيها كويس اوي وسبيها تبرد في المصفة
اخر خطوة عبيها في اكياس علي حسب استعمالك وحطيها في الفريزر ولما تطلعيها مش بتسبيها تفك من الفريزر علي القلي وبالهنا والشفا بتطلع مقرمشة من برة وطرية من جوة
اهم حاجة في الطريقة دي انك تظبطي سواها متسبيهاش تستوي اوي لما تتهري يدوبك نص سوا
وتاني حاجة انك تصفيها كويس اوي عشان لما تيجي تقليها ميكنش فيها مية

وبالهنا والشفا مرة تانية

بجربهاا .. ماشاء الله عليج خبيره

الله يحفظج

جزاكي الله خيرا اختي علي الرد

لكي جزييل الشكر

شكرا علي الرد يا حبيبة قلبي

يسلموو الايادي طريقه حلووووه وتوفر وقت وجهد

جزاكي الله كل خير علي الرد