طريقة متواضعة جدا لترتيب القباضات .. لا تضحكون عليه (^__*) اعمال يدوية

وهذي صورة منه

ودورت عقب في النت
ولقيت وحدة من منتدانا مرتبة قباضاتها
في علاق شارتنه من إيكيا
فيه مثل الدوائر 00 بس حسيتهن ما بيكونن ثابتات
وغير اني ما فيني أسير إيكيا

المهم وفكرت وفكرت وعاد أنا يوم أفكر تطلع بلاوي
خاصة لو ملااااانة 00 ههههههه
وطلعتلي هالفكرة العبيطة بس عيبتني 00

نبدا في المقادير :

** علاق أو أكثر حسب عدد قباضاتج
** شيل صلاة أو يلال مادري شو تسمونه
اللي هي شيل البيت الملونة .. (قديمة يعني ما تبونها)
** لستيكات صغيرة مال الشعر
** القباضات

الطريقة :

ربعي الشيل بالطول يعني كسفيها بس بالطول
لين ما تستوي عرض الكف تقريبا
وعقب دخليهن في العلاق ووازني بين طرفين الشيلة
وعقب اربطيها بلاستيكات على مسافات متباعدة
بس ضوقيها صوب العلاق اكثر عشان ما تتحرك بسهولة
وبس .. علقي فيهن قباضاتج وعقب علقيها في الكبت !!
أو في علاق الفوط أو أي مكان مناسب عندج 00

والحين مع الصور 00

هاي الشيل 00

هنيه ربعتهن بالطول 00

هنيه دخلتها في العلاق ووازنت الطرفين وعقب ثبتها بلستيك 00

وهنيه خلصتهن كلهن وجاهز للتحميل 00

وتوتة توتة خلصت الحتوتة 00 شرايكم؟؟

وهنيه علقتهن 00

عادي اللي تبا تضحك عادي هههههههه انا بروحي ضحكت
وبناتي مستانسات ويساعدني ومب فاهمات انا شسوي
لا ووحدة فيهن تقولي تسوين ستارة ؟؟ هههههههه
وعقب ما خلصت طلعت قباضة وعلقتها 00
وقالن هيييييييييييييييييييييييييييييييييه وتعافدن يعلقن الباقي ههههههه
يالله خبروني بأفكاركم الابداعية في ترتيبهن

>>>> استغلالية أونها تطلب بأسلوب !!

اسمحولي اذا الصور مب واضحة وايد 00 تصوير موبايل