إيشحالكن سيدات وبنات الإمارات الغاليات
اليوم يبتلكم طريقة تنظيف الزوالي بالصور بتنظفينها وهي مكانها وتحتاجين التالي
مكنسة كهربائية
بروش صغير (فرشاة )
طشت ماي دافي
بودرة مسك
دواني أو كمفورت
شامبو خاص للسجاد (ممكن تستبدلينه باي نوع شامبو )
كلوركس ألوان
الطريقة
تكنسين الزولية زين بالماكينة
ترشين المسك وتخلينه شوي وتردين تكنسيها مرة ثانية
تخلطين الداوني و الشامبو والكلوركس مال الألوان فالطشت وتبللين البروش بالخليط وتشلينه وتفركين الزولية وتدعكيها زين ما زين وتكرري لين تخلصين الزولية كاملة
افتحي الدريشة وشغلي المكيف وأحسن لو تنظفيها فالليل عالسب تنشف زين
تمتعي بالنظافة و بريحة المسك والداوني تدوم من أسبوع لعشر أيام .
أتمنى الطريقة تعيبكم وتستفيدون خواتي ومشكورات
