شرائح سمبوسه لرمضان زيت اقل يوم تقلين بيب لكم طريقتي واحسن من مال السوق يوم تقلينه اينقط زيت هاي اتحسبنه حلو وما يشل زيت ووايد الطريقه
بسم الله الرحمن الرحيم
الطريقه ناخذ كميه 5 كؤؤووس طحين + ملح +سمن واحلى شي كيوبيبي+زيت عادي
الطريقه مالها مقادير يعني حطي مثلا نص كاس ماء سمن ونصه وزيت واعجنيه بماء دافي عدل الين اتحسين العجينه اتماسكت طبعا بيصير لون العجينه اصفر ولا اتخلينه لينه وايد ولا يابسه
خل العجينه ترتاح وسوي كور صغيره
ولا تنسين وانتي اتسوين كور صغيره حطيها شوي في الطحين
جهزي الزيت والطحين
افردي 5 حبات اذا كنتي شاطره في الفرد
وحطي فوقهم زيت عدل ورشي فوق الزيت طحين بهاي الطريقه
عقب حطيهم فوق بعض
وافرديهم مره وحده على شكل مربع قدر الامكان
وعقب حطيه على التاوه العوده اللي انسوي فيها خبز ارقاق بهاي الطريقه
ولا اتحمرينه بس شوي واقلبيه بسرعه
قصي من الجواني وقسميه 3 اقسام بسيكين حاد حاولي اتقصينه شوي شوي واهو حار لا اتخلينه يبرد يبالها خفه وبطليه اشوي شوي ال5 طبقات
.
وجسميه على حسب استخدامج اليومي وحطيه بالفريزر وهاي طريقتي لعمل شرائح السمبوسه واايد الطريقه اتخفف الزيت في رمضان ويوم بتقلينه بتحسين بالفرق امبين عجينه السوق وعجينه البيت وما ابي غير دعوه طيبه الله يحفطني انا وزوجي وعيالي
رمضان كريم و الله يعوده علينا وعليج واحنا بخير وعافيه ولله اقرب .. وهاي الطريقه تتبعها الوالده من سنين .. عمرنا ماستخدمنا الجاهز .. وان شاء الله اتعلمها هالسنه
لنه السنه الي طافت اعتمدت على عجينة امي لااا وبعد محشيه وجاهزه صدق اني عيااازه كبيره
…بس لضيق الوقت استخدم الجاهزة اسرع
^ــــــــــــــ^ تسلم الايادي
يسلمو عالفكره