طريقة صنع أقراص تنحيف شحوم الكرش بالأعشاب بالصووور(لايفوتكم) لسلامتك

السلام عليكم والرحمه

شخباركم ياحلوااات ؟؟

نزلت هالموضوع في مدونة ثاني .. وحبيت اني انزله عندكم علشان تستفيدون

وأعلمكم طريقة صنع أقراص من الأعشاب في بيتج

انا قريت الوصفه في مدونة ثاني وشفت النتايج الي صارت وياهم ..

عاد انا ماصدقت على طووول رحت واشتريت الأعشاب

وسويت الطريقه عاد مانسيت اني اصورها علشان اراويكم ونستفيد كلنا ..

ويلا نشوف الطريقه مع بعض وان شاء الله تكون سهله

نبدأ

بالمكونات

ملاحظه أنا استخدمت نصف الكميه يعني بدل ملعقتين صاروا ملعقه

ملعقتين مرامية جافة مطحونة
ملعقتين شاي أخضر مطحون
ملعقتين زعترجاف مطحون
ملعقتين قرفة مطحون
ملعقتين زنجبيل مطحون
ملعقتين قشر رمان مطحون
ملعقتين كمون مطحون
ملعقتين بذر الكتان
إضافة إلى خل التفاح + قفازات لليد + اقراص دوا مفرغة + وعاء غزير

الأعشاب من قريب

حطينا الكميه المطلوبه من الأعشاب مع بعض .. ومع الخلط

هذي الصوره بعد إضافة خل التفاح علشان تصير العجينه((طبعاً كمية خل التفاح انتي راح تحددينها))

الحين نحط العجينه بهالشكل في الأقراص ونضغط عليها ..

وبعدين تنظفين اللي على الجوانب .. وترجعينه بالوعاء

في هذي الخطوه تحاولين تضغطين الاقراص على الصينيه علشان تنزل عندج وترتبينهم بهالشكل

ونكمل الطريقه الين ماتخلص كمية الأعشاب الي عندج ..

يتبــــع لا تردوووون ،،

واستخدمت أقراص مختلفه حبيت اراويكم اياها

خلصنا الصينيه بسلاااام

نحط الصينيه فالفيرزر علشان تجمد الأقراص ..

وبعد ما طلعنا الصينيه من الفريزر .. حطيت الأقراص في علبة دوا فاضيه ..
وتحطينها في الثلاجه أو الفريزر ..

وطريقة الإستخدام كالآتي..

* على الريق تأخذين قرص مع كاس ماء وبعد ساعة … ممكن تفطرين عادي

* قبل الغذاء بنص ساعة تاخذين قرص وبعدين اتغدي عادي

* و قبل العشاء بنص ساعة تاخذين قرص ويا ريت العشاء يكون خفيف

ملاحظة مهمة :

في هذه الفترة سوف تلاحظين كثرة خروجك للتواليت ، لا تخافين ، جد عادي بالعكس وقتها تعرفين ان الحبوب ابتدت تعمل المفعول وابتدت ترمي السوائل السامة الزائدة في الجسم

اكثري من شرب المياه ويا ريت قبل النوم اعملي شوية حركات تسخينية وراح تشوفين النتيجة بعد 15 يوم بالضبط ، تغير ملموس والكرش تبتدي بالذوبان ، بس استمري ولا تملين

واسمحولي على الإطاله ..

اتمنى انكم استفدتوا من الشرح

ملاحظة .. انا بديت استخدمها من يومين وما آخذها إلا على العشاء لأني اكون طالعه وأخاف احتاج للحمام عزكم الله واتوهق

وملاحظه أخرى .. ترى إذا مابتفيدج الوصفه .. فـ إن شاء الله ماراح تضرج لأنها كلها اعشاب طبيعيه واللي تخاف من الحينه اقوللها لاتستخدمها لأني مب مسؤوله عن أي شي يصير وشوكراااان

لاتنسوني بالدعاء

اختكم
شيخة الحريم