كلنا نحب تندوري الدجاج وانا من عشااق الاكلات الهندية ..
لذلك واثناء بحثي عن طريقة عمل التندوري ،، وجدت له طريقة بالفيديو ..
تفضلن :
https://www.youtube.com/watch?v=gsb311KiG1U
طبعاً ، انا نقلت لكم من ملفي للأكلات الهندية مقادير التندوري :
– دجاجة كاملة .. او على حسب عدد الافراد
– كوب روب زبادي
– بهارات التندوري [ تلاقونها بالجمعيات والكارفور ] بس طريقتها مذكورة بمقطع الفيديو ،
ملح + ليمون + زنجبيل مدقوق + ثوم مدقوق
الطريقة : كما وضعها الطباخ الهندي :
تحضرين الدجاج وتصنعين شقوق بالدجاج عشان البهارات والخلطة تمسك فيه ويطلع شهي
تخلطين عصير ليمون +ملح + الصبغة الحمراء [ مالت العيش] وتوزعينها على الدجاج ..
بعد ذلك تجهزين الروب مع الليمون مع خلطة بهارات التندوري وتضعين الدجاج فوق الخلطة وتخلينها لمدة 3 او 2 ساعتين عشان تكسب الطعم والنكهة .
والطريقة سلسلة وجداً سهلة 
ويقدم مع الارز الاصفر بالزعفران ( وهاي طريقتي) :
أرز (على حسب عدد الاشخاص) يفضل البسمتي ويكون منقوع ومغسول
زعفران + حب هال صحيح+ قرفة + قليل من الكركم ليعطي اللون الاصفر
الطريقة:
اول شي تضعين شوي زيت ،، وتحطين حب الهال والقرفة .. وتخلين الزيت لين يحر شوي ، بعدين تضيفين العيش / الارز والكركم وتخلطينه ،، عقبها تحطين ماي يغطي سطح العيش بمقدار انش واحد تقريباً .. وتوزعين على السطح الزعفران ز. ,تخلينه لين ينضج تماماً ..اما بجهاز الارز او بالجدر بس تغطين الجدر بالقصديرعشان بخار الماء ينضج الارز. .. طبعاً لو بتستخدمين الجدر تراعين ان النار تكون وسط عسب ما يحترق العيش
( اضمن لكم العيش على طريقتي )