طريقة حساب سعر الذهب

السلام عليكم

بعد سؤال مجموعة من ألأخوات عن طريقة معرفة سعر الذهب حبيت احط الطريقة للكل

قبل لاختيار اسئلي البايع عن سعر الذهب اليوم ( كم سعر الجرام ) اسئليه عن الذهب عيار 18 وعن عيار 21
( عفكرة ممكن تسئلين اكثر من محل عشان تتأكدين في منهم يقصون عليج)

مثلا سعر جرام الذهب عيار 18 اليوم 56

اخترتي خاتم
اسئلي البايع عن الوزن وتأكدي بنفسج مثلا كان ون الخاتم 16جرام
وعقب اسئلي عن المصنعية وحاولي اتكاسرينه وتنزلين فيها والمصنعية مثلا 20

طريقة الحساب
سعر الذهب = سعر جرام الذهب+ المصنعية * وزن الذهب
= 56+ 20 * 16
= 1216

وهالسعر بعد كاسري فيه
ونصيحه وانتي دخله المحل سوي عمرج ماتعرفين شي اختاري وخلي يعطيج السعر وعقب سوي هالعملية

وبتشوفين النصب وفنونه
من تعلمت هالطريقة وانا الصراحه انصدم ذهب قيمته 690 يبا يبعه لي ب 1500 وغيره
جربي ادخلي ولو مب حابه تشترينبس جربي الطريقة

شو المصنعية

على ما اعتقد شغل اليد يعني كل ما كان الذهب فيه شغل و حركات صعبه شوي كانت المصنعية أكثر وعلى حسب المصنع بعد
والذهب عيار 18 مصنعيته أغلى من عيار 21

وبتفيدنا العروس ف الموضوع هذه اعتقادي

يزاج الله خير

يزااج الله خير ..

ما شاء الله تسلمين الغالية على هالمعلومات و بجربها و بفشل البياعين لول

جميعا إن شاء الله وشاكره مروركم

ونتريا تجاربج مع البياعين لوووووووووول