بدل مانضرب خط عشان هالشعرتين خلينا نتعلم كيف نعدلهم ونرتبهم ونوفر 50درهم او اقل
نييب هالاغراض ومتوفرة بكل مكان ( الصيدلية – السوبر ماركت – محلات التجميل )
المطلوب //
بودرة ميش زرقا .. لان البيضا للشعر ، هالنوع ممتاز ومستهلك كثير
فازلين عشان مايلسعك ويحرقك
صبغة باللون الاسود او البني الغامق او على حسب لون شعرك بس لاتحطين لون عودي بليز
بروكسيد الاعشاب
نبدأ بسم الله
اول شي مشطي حواجبك بالفرشة وبعدين دهنيها ودهني المنطقة اللي حولها بالفازلين بس لاتكثرين مراا
ارسمي حواجبك بالرسمة اللي تبينها بس حاولي ترسمينها على حسب وجهك لاتبدعين ..
واذا كانت خلقه مرسومة بس حددي الشعرات اللي تبين تشقرينها .. اما العريضة لك مساحة كبيرة ترسمين الرسمة اللي تبينها ..
ارسميها بس لاتضعفينها مراا خليها مناسبة وعريضة بتكون احلى
بعد مارسمتيها ابدئي اصبغيها بالصبغة .. الافضل تصبغيها بعود أذان يكون ادق وعشان مايصبغ الجلد معاكي ,,
انتظري حوالي العشر دقايق او ربع ساعة وبعدها اغسلي الصبغة ,,
الحين جيبي المشقر ( اخلطي مقادير متساوية من البروكسيد والبودرة ) وبعود اذان جديد شقري الشعر الزايد واطلعي شوي على فوق
يعني شقري شوي من جبينك عشان مايصير فيه فرق مرا
انتظري تقريبا ربع ساعة واغسليه .. واذا شفتي ان باقي ماتشقر انتظري ربع ساعة ثانية
لو طلع الشعر برتقالي عيدي مرا ثانية بس هالمرا انتظري دقايق
بعد ماخلاص انتهينا من التشقير جيبي مرهم متعودة عليه حق الحبوب والحساسية ودهني المنطقة او جيبي كريم سودو ودهني فيه ..
طبعا رسمها مايحتاج تعب ،
ورسمها يكون بـالفرشة لانها تكون دقيقة اكثر من الفرشة اللي تجي مع القلم ..
ونعيما 
منقول للفائده
اختي بسالج عادي نشقر الحواجب
بس شوه احسن مشقر للحواجب ؟؟