طريقة ترتيب وتنظيم الملابس .. شرح بالصور اشغال يدوية

هلا خواتي .. حياكم الله ..
كان يا ماكان في قديييييم الزمان .. عندي ادراج مب عارفة استغلها عدل !
وتعبت من كثر ما ارتب واعيد ارتب ملابسي وماشي فايدة !

لين شفت فكرة عجبتني واايد .. وخططت اني اسويها .. وسرت لمحل دايسو العجيب .. (لبنات العين موجود مقابل مستشفى النور )
ولقيت الي تساعد على التنظيم.. لانه ايكيا مب موجود بالعين

كان بخاطري اخم المحل من كثر ما عيبتني الاغراض هناك!!

فسرت وشريت الحواجز .. وهاي الطريقة .. واتمنى تساعدكم مثل ما انا استفدت منها اكيد .. واختصرت لي تعب كثير

بسم الله ..

نحتاج لصندوق .. وحواجز .. ومقص ولصق الي بوجهين

والصور تتكلم

انزين بديت الصق الحواجز واقصها عشان تناسب حجم الصندوق .. للعلم شريته من مكتبة دبي للتوزيع

بعد ذلك بديت ارتب .. وطريقة الترتيب .. لقيتها بالنت .. ووايد سهلت علي امور كثيرة .

وهذا مقطع يعلمج كيف تصفين وتنظمين .. ومنه خذيت الفكرة

https://www.youtube.com/watch?v=nJAYRXjZoMY&feature=channel
وهذا شكلها بعد التنظيم

تخيلو هالملابس .. تقريبا كل يوم اذا سحبت شي كنت ارد ارتبهم من اول ويديد !!

وهاي ملابس بنتي .. رتبتهم بطريقة حلوة بعد

وصلى الله وسلم وبارك

رووووووووووووووووووووعه

يزااااااج الله الف خير

مشكورة ع الفيديو

تسلمين الغلاا

ان شا ءالله استفدتو بس

صلى الله وسلم وبارك على سيدنا محمد وعلى آله وصحبه أجمعين ..

روووووعه ترتيبج ماشالله تسلمين ..