شو أخباركم إنشاء الله مرتاحين . عزيزاتي وايد استفسارت توصلني عن أنواع الشوكلاتة المستخدمة . فقلت ان شاء الله من اليوم رايح راح أعتمد أنواع الشوكلاتة الي متوفرة في كل الجمعيات والأسواق . بحيث يسهل على الأخوات يلاقونها . وما يدورون ويتشتتون .
شوكلاتة الجلكسي منو ما يحبها . اليوم راح أعلمكم طريقة تذويبها . طبعاً مع سر الحصول على القوام السائل لهذا النوع من الشوكلاتة المحببة للجميع من حيث المذاق والنكهة (أنفع أكون مألفة كتب)
بإسم الله نبد طريقة تذويب شوكلاتة الجلكسي
بداية راح نحتاج إلى قوالب لصب الشوكلاتة وتشكيلها بأشكال معينة . اهني القوالب هذي من ولتون وتلاقونها في محل تافولا . وبعد حاليا تلاقون قوالب مماثله لهذي وأحسن منها مصنوعة من السلكون على شكل قلوب ونجوم ومحار في كارفور ودايسو وايكيا.
هذا القالب يشكل الشوكلاتة بأشكال مختلفة مثل الحلزون والخطوط المتعرجة وورق الشجر .
واهني حاطين طريقة مبسطة ومصورة عن طريقة استخدام القالب (ذوبي الشوكلاتة / صبيها في القوالب/ استخدميها)
واهني عزيزاتي الرسومات الي على القالب توضح أشكال الشوكلاتة النهائية .
وهذا شكل القالب من تحت ويوضح الأشكال المرسومة فيه.
واهني صوره أقرب .
مثل ما اتفقنا راح أعلمكم اليوم طريقة تذويب شوكلاتة جلكسي . في البداية بنحتاج إلى ألواح من هذي الشوكلاتة . والكمية حسب الي راح تسوينه من القوالب.
قطعي الشوكلاتة وحطيها في وعاء زجاجي وتحته حطي جدر صغير فيها ماء . السر رقم 1 (الماء ما يلامس الوعاء الزجاج)
واهني بدء الماي يغلي والبخار الصاعد بدء يذوب الشوكلاتة . السر رقم2 الإستمرار في التقليب ضروري جدا .
اهني بدأ يذوب والاستمرار في التقليب ضروري . لاحظوا بعدته عن النار وكان بعده فيه قطع شوكلاتة واهني بتكلم عن السر رقم 3 وهو . تذويب الجلكسي لازم يكون سريع .المطلوب انه يذوب على البخار الخفيف وبأسرع وقت ممكن لانه لو ارتفعت درجة حرارته بعد ما تصبينه في القوالب ويجمد وتطلعينه من الثلاجة بيرجع يذوب. وهذي النقطة الي يشتكون منها وايد أخوات .
يتبع عزيزاتي
لتسهل مهمة تعبئة قوالب الشوكلاتة . نصب الجلكسي الذايب في كوب قياس .كما هو موضح أدناه أحبتي .
لاحظوا كيف الجلكسي ذايب وبنفس الوقت فاتر إلى بارد مش حار .
نبدأ نعبي القالب بكل سهولة وبساطة
وفيه طريقة ثانية أسهل وأسهل للإستخدام الشوكلاتة بكل يسر وسهولة .بالذات لو حبيتي ترسمين على ورق الزبدة أشكال وتزيني فيهم الحلويات.
اهني شكل الكيس بعد ما عبينه وسكرناه بإحكام من خلال السحاب الموجود فيه .
ونقص طرف الكيس ونبدأ نصب الشوكلاتة في القوالب بشكل بسيط وسهل.
واهني شكل القالب بعد ماصبينا فيه الشوكلاتة . لاحظوا كيف السطح بعده سائل والشوكلاتة ماخذه مكانها .
اهني شكل أقرب . ندخلها الثلاجة لحوالي ال15 دقيقة لحد ما تجمد بشكل جيد.
يتبع عزيزاتي
واهني شكل الشوكلاتة بصوره أقرب
وزادت شوكلاتة جلكسي واحده .gif "12 (80)")
, وطبعا هذي من نصيب منو ؟ 
أكيد شوكلاتة
عزيزاتي هذي طريقة بسيطة وسهلة لتذويب الجلكسي بالطريقة الصحيحة. وعلى فكرة ممكن تسخدمينها كمكون رئيسي في حلويات القهوة . أو للتزين أو حتى لتزين البسكويت .
عزيزاتي أتمنى يكون الموضوع حاز على إعجابكم , واستمتعتوا أثناء القراءة .
.gif "12 (63)")
بالتوفيق وتحقيق الأمنياتولي موعد متجدد معكم بإذن الله .
.gif "12 (73)")
أختكم / شوكلاتة
.gif "12 (55)")
بطلت عيني يوم قريت ماشي صور كلللللللللش ماصدقت لان مستحيل تسويين شي بدون صور
يا بكاااااشيه هههههههه تحيه لاهل الشام على الطريج
ربي يعطيج العافيه وتسلمين على هالمجهود الطيب
وربي ……….. كيفي ماباقولج شنو دعوتي ..
شي رائع ومعلومات اروع عزيزتي
وربي ليحرمنا من جديدج
mabrooka
لحظه لحظه نسيت
الجلكسي اللي زاد نص لي ونص لج لان اول رد مني احم احم
اللحين
mabrooka.gif "12 (83)")
تصدقين توه إذن العشاء ودعيتلج
ان شاء الله يلي في بالي
المهم انا كل ما حد يقولي تافولا ايي في بالي جون ترافولتا جيه اسمه جان اذكر
المشكله كيف نقدر نتواصل وياهم
لان هالنوعيه من القوالب مب متوفرة عندنا بالعين
لأني خذت فكرة وعندي فكرة بزيدها ع فكرتك مب بعد إذنك
بس لمن اتملين من هاى القوالب خبرينى باخدهم منج هههههههههه