طريقة الفطام

السلام عليكم

بنتي الله يحفظها بعد شهرين بتكمل سنتين وابغي احاول افطمها تدريجياً
لانها متعلقه بالرضاعه وايد خاصةً وقت الرقاد
وماترضع غير طبيعي

الله يحفظها لج ..
ما عندي خبرة ..
ان شاء الله الامهات اللي مرو بهالمرحلة يفيدونج

ربي يحفظها و يقر عينج بها,,
انا احاتي هالسالفه ولدي الله يحفظه عمره الحين سنه و اربع شهور
ان شاء الله يفيدونا الامهات

ضروري تبدي بالتدريج في الرضاعة لما تطلب ترضع لا ترضعينها فترات طويلة بعد كم ساعة رضعيها لما تفطمينها بتتقبل الوضع
لكن عند النوم اكيد بتتعبي اول ثلاثة ليالي بتنام بصعوبة بعد ما تتعب من البكا

انا تعبانه مو من الفطام
تعبانه من ألم الفطام والله رجعت ورضعتها ما رمت اتحمل الألم

حاااولي تقززينها بالصدر شرات اهل اول اوقات يحطون مره اوقات كركم حطي اي لون قولي لها خربان وووع اي شي مقزز حاولي تعطينها صناعي قبل النوم اذا ما طااعت عصير .. اي شي تحبه بالمرضع … حليب مراعي دافي وشوي سكر .. اي شي المهم لا اتم يوعانه ابدي تتركينه عنها بالنهار كاامل لا ترضعينها مووول وبالليل يوم يومين وخلاص اقطعيه .. مردها تنسااه مثل ماقالو بتعبج واايد >.< بس الصبر مفتاح الفرج حطي روائح ولا عطر مب شي بصدر هههههه

هي بعد هيأيها نفسيا خااصه بالنهاار طلعي الصدر راويها ان لونه تغير وريحته مب شي وجي كل ما تفيجتي رمسيها عن هالصدر وع وع هههه جان زين نحصل حشرات صغاار تتحرك مب حقيقيه يعني تشتغل فبطاريه يعني نمله بحجم النمله وجي ههههه رعب