شحالكم خواتي.
بغيت منكم طريقه البلاليط.
بالتفصيل لوسمحتو.
بسويه اليوم وان شاء الله يضبط.
المصفر مثل ما ذكرت اختي الماركة شما والثاني تقلين البلاليط يعني نصه يكون مقلاي والنص يكون عادي يعني مب لازم كله يحمر واتصبينة على الماي المغلي وبعدين تشخلينة واضيفي الهيل والسكر والزعفران والسمن العربي او العلبة الخضرة واتردينة في القدر على النار لين ينشف شوي من الماي طبعا اضيفين البيض بعد ما تقلينه يمكن يكون قرص كامل او اتقطعينة اصغار وتخلطينة مع البلاليط وبالعافية
طبعا انا اشتري بلاليط الامارات بو وردة
اول شي احطه في مقلى (بدون زيت) واخليه على النار لين ما شويه يتغير لونه
بعدين اكون حاطه جدر على النار فيه ماي ويوم يغلي الماي احط البلاليط فيه واوقف واحركه لين ما اشوفه استوى 90%
يعدين اشخله
وارده عقب في الجدر واحط حق نص كيس بلاليط 3 فناجين سكر وشوية هال مطحون وشوية زعفران و شوية ماي ورد
ارد الجدر على النار واحط تحته حديدة واخليه يتسكر
وجي بيكون جاهز 
صحة وهنا
جربته امس والحمدلله ضبط وياي.