ضربها ريلها …في ليلة عرسها…تعرفون ليش؟؟؟؟ لتربية الطفل

السلام عليكم ورحمة الله و بركاته :-

ردن السلام أول بعدين نزلن تحت …القصة راح تقرنه ان شاء الله

هذي القصة قريتها من النت ..لكنها تعور القلب … وحبيت أنقلها حقن علشان التوعيه .. و هذي وحدة سلمكن الله ..كاتبه عن نفسها وتقول…أنا أشتغل في قسم الطوارئ في المستشفى ..وفي يوم من الايام كنت مناوبه لين الصبح .فجأة .. سمعت أنا و صديقاتي ..صوت الصراخ ..عالي… ياي من بوابة الرئيسيه من قسم الطوارئ… ويوم طلعنا أنشوف ..ولا أنشوف ريال ماسك حرمه شبه عاريه …ملابسها يالله تتسترها…ومن كثر الدم مغطي جسمها وويها ..ما أتبين ملامح و يهها .لكن كانت تردد .كلمة وحدة ..صدقني أنا عذره …أنزين شي يغطيني .أرجوك ….أستر علي الله يستر عليك……المهم قالت من سمعت و شفت هذا المشهد عرفت ان هذيلا توهم معاريس و ان هذي ليلة دخلتهم…و أن السالفه أنه الريال ..أكتشف أنه حرمته مب عذرة …قالت فجأة طيح الحرمة على الارض ..و قام يدوسها على و يها بريوله…قامن الممرضات و المسؤؤلين و سحبوا الحرمه عنه ..ودخلوها الى قسم الفحص الطبي ..و المسؤؤلين ما سكين الريال و يحاولون يهدونه و أنه يكف من كلامه البذيء الي بصراحه الواحد يخجل من كتابته..المهم …شافت الدكتورة أن الحرمه لا لازالت عذرة أثناء الفحص… فطلعت ..و قالت أن حرمتك عذرة …دخل و قال ما علي من هذاي السوالف و دخل علشان يكمل الضرب …مسكته الدكتوره و صرخت في و يها ..و قالت و الله أنه حرمتك عذرة تعال براويك…المهم …شاف أن حرمته فعلا عذرة لكن السبب يعود الى نوع الغشاء البكارة..و هي كانت من النوع المطاط… عالطول نزل عند ريولها يحبها و قام يتأسف لها…و هي يحليخا مكسحه من كثر الضرب …فجأة بعد الضعف و الحالة الي كانت فيه الحرمه .قامت و قالت .أسامحك ..لكن .بشرط….تعذرلي .جدام كل الناس .مو بس الي في المستشفى بس….جدام كل واحد شافني طالعه من البيت وانا في هاذي الحالة .جدام كل الناس الي شافوني ..جدام الجيران الي سمعو الصراخ…وجداه أهلي و أهلك .و أتقولهم أني شريفة ……قام الريال يصيح بحالة هيستيريه..و قالتله الله لا يسامحك لا دنيا و لا آخرة…طلقني الحين…

المهم يحليلها الحرمة ترقدت في المستشفى …و صار عنده رضوض و كسور …لدرجه انها تمشي بعكاز…و صارت البنية ..ألي أتكلم بلسانها صديقتها .وتقول .مرت الخمسة ايام الي ترقدت فيها الحرمة في المستشفى..وطلعت ..و انتقطعت الاتصالات من بينهن فترة ..دامت شهور أو سنه …وفجأة تقول و أنا في مكتبي ..يتني وحدة عريه منشي بعكاز ..و يت سلمت علي بحرارة .و قالت ما عرفتيني ..قالت لا …قالت أنا الي يوم من الايام صار كذا و كذا ..(يعني طلعت هذيج الحرمة الي ضربها زوجها)..قالت ..اهلين والله …ليش اختفيتي هاذي المدة وشو صار مع زوجج ..قالت .بعد ما طلعت من المستشفى …طلبت الطلاق .وشليت ورقه الفحص الشرعي الي يثبت اني شريفه ..و بروازتها برواز من ذهب ..و عطيتها زوجي…وانا الحين تزوجت من شخص ثاني ..و انا حامل في شهوري الاولى ..و يايه أراجع فحوصاتي…أنتهت القصة …

قلبي و الله معورني عليها خواتي…تعرفون بقولكم ..معلومه .يديدة .يمكن تشتغربون منها .أن مب شرط ان الوحدة ينزل منها قطرات دم في ليلة عرسها .. وانه هاذي القطرات مب شرط كافيه للاثبات عذريتها …لاسباب اختلاف نوعية الغشاء البكارة…الله المستعان و الله يستر علينا و على بنات المسلمين…

ياليت الريايل كثر ما يقعدون مع ربعهم .و يقولون كلام .زكيف بستوي و لا ما بستوي .يثقفون أشوي ..حول هذا الموضوع..علشان ما يظلمون..حريمهم…مثل هذا الريال الي حتى ماغار على حرمته من العار ..وانها طالعه …بهذي الملابس …بس الواحد شو بيقول ..الله المستعان..

سمعت هالقصه قبل

الله يستر علينا يا رب

ياررررررررررررررررب يحفظ بنات المسلمين من كل سوءءءءءءءءءء

لاحول ولا قوه الا بالله

اخ قلبي عورني

شو هالمتخلف ؟
الله لا يبلينا . . عافانا الله يعني أحينه منو
من الرياييل ما يعرف إن هالشي يختلف من
وحدة للثانية ؟ حتى اليهال يعرفون !