صينيه دجاج بالخل والليمون من مطبخي,,تفضلي,,

السلاااام عليكم ياحريم..
اشحالكم اليوم عساكم بخير
امبارحه كنت امسويه صينيه دياي بالخل البلسمك واليمون ايتاليانو100%
وهذي المقاير بالصور
بسم الله..
اول شي ديايه مغسوله ومقطعه 8اجزاء
قشر ليمون اصفر وتعصرينها بعد وتحتفظين بالعصير مالها
ربع كوب خل بلسمك اللي تشوفين لونه بني مثل العسل
ملح
ملعقتين خردل (مسترد)
فلفل اسود
ثوم حسب الرغبه اتقصينه صغااااار
ربع كوب زيت زيتون
روز ماري واوريغانو للنكهه (ظروري)

هذا شكلها عقب حطينا الخلطه وفركناها عددددددل
اتخلينها بالثلاجه لمده لاتقل عن 3ساعات عشان تاخذ الطعم زين

هني شكلها عقب ماطلعتها من الثلاجه وزهبت الصينيه ووسخنت الفرن قبل على درجه180

الحينه هذا شكلها اول ماطلعتها من الفرن

وهذا الشكل النهائي ..حطيت معاها عيش ابيض مشخول وخضار مطبوخه

وهذي صورة ثانيه بعد…
اتمنى اتكون الوصفه عجبتكم..
ولاتنسوني من دعواتكم الحلوة ..ونرجع البلاد بالسلامه ان شاء الله
يله اتريا مروركم
اتريوني فالطبق الياي
ان شاء الله بيكون استيك مع الباستا

مشكووورة .. بالنسبة للروز ماري وين أقدر أحصله و الأوريغانو وش هو بالضبط ؟ ^^!

روووعه ماشاءالله

هلافييج خيتو
الروز ماري الصراحه صعب اتلاقينها فالامارات يمكن اتكون فسبنس
ممكن تستبدلينها بالمجفف ترايعطي نفس النكهه
والاوريغانو موجود عندكم فالجمعيات مكتوب عليه سمسق للبيتزا
يكون داخل غرشه صغيرة مثل الفلفل والاعشاب الثانيه
واي استفسار انا حاااظرة

مرورج الاروع حبيبتي ..منورررة

مشكووورة ^^

تسلمييييييين روووووعه احب هالصواني …يعطيج العافيه وتردين بالف سلالالالالالالالامه يارب ونتريا طبقج الياي..