صيادية السمك رهيبة المطبخ الاماراتي

سويت يوم الجمعة الماضي صيادية سمك (بسمك الزبيدي) بس بصراحة رهيبة وهذه الطريقة وممكن استبدال سمك الزبيدي بالهامور:

المقادير حق العيش:
هيل4-مسمار4-فلفل اسود4-ليمون اسود عدد 2 (حب مب مطحونة)
بصل مفروم شرايح عدد 6
ثوم عدد 5
كمون معلقة
ملح
2مكعب ماجي
4 طماطم شرائح
رشة بهار

أول شي تودنيين العيش بالماي وبعدين تقلين البصل لحد مايصير لونة ذهبي وتأخذين نصة وتحطينة في الصحن وبعدين تحطين باقي المكونات وتحطين ماي مب وايد وتخلينة ليمة
يفور الماي وتبندين عليه.

تيبين السمك وتفركينة بالملح والكركم والكمون والخل وتخلينة مدة ساعة عسب يروح الزفر عنة، وبعد ساعة غسلي السمك ، وحطي الخلطة التالي: 4 قرون فلفل حار-4 ثوم-نص كلاس ليمون-كزبرة-شبت مع شوية زيت زيتون ((مخلوطين بالخلاط))
ندهن السمك جيدا بهذه الخلطة

نحضر صينة مستطلية للفرن ونحط فيها دهن وبعدين العيش بعد تصفيتة من الماي وبعدين نحط الماي الذي سبق اعدادة ومايكون وايد بس مقدار واحد سانتي ارفع من العيش وبعدين نغلف الصينية بالقصدير ونخبق القصدير ونحط فوقة السمك ونغلف بطبقة ثانية من القصدير الصينية مع السمك ونحطة في الفرن على درجة حرارة معدلة مدة ساعة كاملة وبعدين نفتح القصدير المغطي السمك ونولع الفرن من فوق لمدة ربع ساعة علشان يحمر السمك.

وبالهنا والعافية

يالله عساكن فهمتوني

وهذه الصورة

[IMG][/IMG]

المشاركة الأصلية كتبت بواسطة domy.7zena

وااااااااااااااااو روعه خص السمج الزبيدي احلى سمج عندي وسبحان الله بالصدفه قبل لا اقرا موضوعج امخبره الشغاله تقلي لي وحده للغداء طبعا بالطحين .. مشكوره ختيه على الطريقه انا من محبين الصياديه والسمج بشكل عام شو انسوي قوم بالسمج لووووووووووووووووول

مشكورة اختي على الاطراء بس انتي جربي طريقتي وما دنتدمين ان شاء الله وبالعافية