اشحالكم….
هذه الكيكات سويتها لحفلة تخرج عيالنا… طبعاً من فترة بس متعايزة انزلهم…. قلت اليوم لازم احط لكم الصور علشان تشوفونهم…
المهم… سويت كيكتين…. علالي.. (النص جاهز)…. وزينتها بثلاث طرق مختلفة…
الاولى خذيت الطريقة من النت…. قصيتها من النص وبعدين من الاطراف وغيرت اماكن القطع… فاستوت مثل الفراشة وزينتها بالوان من الكريمة…
الثانية ما طاعت تجلب معاي جان اقص الثلث منها… وبخبركم بعدين شو سويت بالثلث… المهم الثلثين استوت مربعة وزينها بعد بالكريمة الملون…. وحطيت لها مظلات….
الثلث فتته وضفت عليه ملعقتين جبن سائل (أي نوع يعجبكم) وملعقتين قشطة وتخلطينه لغاية ما يكون عندج عجينه بس تكون متماسكة… يعني ما تكون وايد لينه علشان تقدرين تشكلينه… وبعدين يبت كاكاو جالاكسي وذوبته في حمام مائي… وغطيت الكور بالكاكاو وزينتها بالفارمسيلا… وحطيت فيهم عصيان الكباب… (بتشوفونهم بالصور تحت)… ويبت قطعة بوهة وغرست العصيان فيها…. طلعت حلوة وعجبت اليهال وايد…….
الصور توضح كل شئ… ان شاء الله تعجبكم الكيكات مثل ما عجبت اليهال…..
وحياكم الله…..
ما شاء الله
حبيت هاي العصي اللي فيهن كوور خخخخخخ
بسألج من تاخذين هاي الاشياء الملونة اللي حاطتنهن ع الكور( الفارمسيلا ) اسمهم صح؟؟
يسلمووو هالادييين
يكفي انكم استانستووو
شكلهم يم يم يم
ربي يهنيج اختيه
المشاركة الأصلية كتبت بواسطة البنوووتة 
ما شاء الله
حبيت هاي العصي اللي فيهن كوور خخخخخخ
بسألج من تاخذين هاي الاشياء الملونة اللي حاطتنهن ع الكور( الفارمسيلا ) اسمهم صح؟؟
يسلمووو هالادييين
هلا الغالية…
الله يسلمج حبيبتي…..
الفارمسيلا تلاقينها في الجمعيات… انا اشتريته من اسواق الامارات… بتحصلين كاكاو بني غامق وبني فاتح وملون وابيض….