هذا أول موضوع لي في هذا القسم وإن شالله تتقبلوني أخت وعزيزه عليكم
هذي صور عرس وحنت أختي هدى الشريف وكان في شهر 10 – 2024
أختي تزوجت واحد يشتغل في نفس المكان إلي تشتغل فيه والريال على قده ومسؤل عن أخوانه الصغار هو أكبرهم والحمدلله وماثقلت عليه في أي شي مهرها كان 10 آلاف وزهبتها 30 ألف والذهب 10 آلاف .. وهاذا لي قدر عليه المعرس .. الأهل عارضوا في البدايه لكنها تمسكت في اختيارها والحمدلله تم كل شي على خير ..
الحنا سوينا حفله بسيطه جدآ في البيت وكوشه نحن سويناها خذينا فكره من مدونة ثانيه واليلسه مال الكوشه مسوايه عند النجار والعواميد بعد والباقي من قماش وفرش وشموع وأوراق هذا نحن مركبينه ومزينين فيه
وهذي الصوره
وهذا كان فستانها ومسكتها
وعرسها كان بسيط جدآ بعد والحمدلله وهذي صورة الكوشه
وهني صور الفستان
من جدام
.وهني من ورا
الحمدلله مر عرسها على خير .. والكل استانس برغم البساطه ..
ودعواتكم لها
ودمتم بود
ماشاءالله كل شي روعه ومرتب
الله يسعدها و يرزقها بالذريه الصالحه ان شاء الله
وعمرها السعادة ماكانت بكثرة الفلوس
ياااااااااااااااااارب
والله يرزقها على قد نيتها
ومشكووره الغلا
و عقبال البيبي
و ما شاء الله العرس امرتب و حلو