عندي فكرة واتمنى تنال استحسانكم
بصراحة كثر موضوع الخدامات الشاردات وانا وحده من الناس اللي شردوا خداماتها في وقت صعب جدا وخلوني ويه 3 اطفال ودوام ومدارس… الله لا يراويكم البهدلة اللي اتبهدلتها وادعي عليهن ليل نهار من القهر لانهن كانن عايشات اميرات في البيت وكل شي عندهن والشغل خفيف في البيت واليهال تبارك الله مب من النوع المشاغب وايد ، واحنا بس 5 في البيت انا وريلي واليهال وبس. ومع هدا بطرن وشردن قبل رمضان.
الخدامات من الجنسية الاندونيسيه ،
ليش ما نحط صور الشغالات الشاردات ونساعد بعض يزخوهن بدال ما يهيتن ويترزقن ع كيفهن .. قانون العمال اهني جاحف بحق الكفيل يعني لو لاعت جبدها من الشغل بتسير تسلم عمرها للشرطة ومناك بيسفرونها وطبعا قيمة التدكرة مدفوعه من الكفيل واللي هيه قيمة التعميم.!!!
يعني مرتاحه البشكاره ومحد يحاسبها. وانا متاكده الموضوع وراه شبكه كبيره تساعد الشغالات عالشرده.
ياليت اشوف ردودكم عالموضوع وانا اول وحده مستعده احط الصور والله لا يبارك فيهن .
الله يعين الجميع
ومشكوره ع الطرح
وااااااااااااااااااااااااااايد عجبتني الفكرة
وياليت الكل يشارك
المشاركة الأصلية كتبت بواسطة Cute Vip 
وااااااااااااااااااااااااااايد عجبتني الفكرة
وياليت الكل يشارك