اليوم جايبة لكم طريقة جديدة تعلمتها من يومين من قناه فتافيت سواها شيف ايطالي
سهلة و حلوة و عملية
تارت البرقوق
المقادير
العجينة
200 غرام طحين ابيض
بيضة واحدة
100 غرام زبدة
50 غرام سكر
عجينة اللوز
75 غرام لوز
75 غرام زبدة
75غرام سكر
50 غرام طحين
بيضة واحدة
ملعقة صغيرة فانيلا
للتزيين
فاكهة البرقوق Plums
سكر
طريقةالتحضير
نبتدي بالعجينة
في صحن نحط الزبدة و نخلطها بالسكر ونحط شوية فانيلا عشان يعطي نكهة
و نضيف البيضة و نخلط الجميع
و بعدها نضيف الدقيق شوي شوي لغاية ما نجمع العجينة
ونضيف شوية ماي و نعجنها تمام عشان تمسك
نحطها في صحن و نحولها على الثلاجة لمدة نصف ساعة مو في الفريزر في الثلاجة
في هالاثناء نحضر الفاكهة نغسلها و نمسحها و نقسمها من النص و بعدين نقطعها سلايسات
بعد ما نخلص من الفاكهة نتحول نحضر عجينة اللوز
اللوز بيكون مسلوق و مقشر و نطحنه
و عشان يكون اللوز لونه ابيض ما يثأتر باللون البني يوم تسلقيه ممكن تخليه من الليل في الماي عشان يروح اللون البني اللي بيكون في قشرته
في صحن نخلط الزبدة مع السكر و الفانيلا لغاية ما نحصل على كريما و نضيف اللوز بس ما نخلط كثير لانه اللوز ممكن يطلع زيت
و نضيف البيضة و نخلط الجميع
و نضيف الطحين
و نخلي الخلطة على جنب
بعد ما تخلص نصف ساعة نطلع العجين من الثلاجة و نقسمها اذا كنتي ناوية تسوي كذا وحدة او ممكن تخليها كاملة و تسوي وحدة كبيرة
كالعادة نفردها على طاولة نظيفة فوقها طحين عشان ما تلزق
و نقطعها بحيث نحط صحن و نقطع حواليه
الصينية اللي راح نحط في الفرن ندهنها بالزيت او بالزبدة و نحط فوقها العجينة المفرودة
ونحط فوقها عجينة اللوز
و نزينها بالفاكهة اللي احنا بدنا اياها
انا كيف ما قلت لكم انا استخدمت البرقوق لكن ممكن تستخدموا اي فاكهة ثانية مثل الموز
ونحط فوقها شوية سكر عشان يعطينا اللون الكراميل
و ندخلهاالفرن على نار هادية
بعد ما نشوف انه تحت استوى
نشغل الفرن فوق عشان يصير عندنا اللون البني و تتحمر من فوق و يصير السكر مسوي كراميل
وصحة وهنا على قلبكن
انا سويت ثنتين صغار عشان بنتي من الموز
في انتظار تعليقاتكن و اراءكم
تسلم ايدينج يالغاليه
ويعطيج العافيه على الشغل الحلو
ان شاءالله بجربها
طلعت ست بين نمرة واحد ههههههههههههههه:1 (4):
شكلها لذييييييييييييييييييييييييييذذ:22 (7):
تسلم إيدك يا قمر:22 (14):
تسلميين
روعـــــــه شكـــــــــلها
ومبين انها سهله
يسلمووووووو فروحــــــــــــــه ^____^
والله يعطيج العافيـــــــه على الاكلات الحلووووووه اللي تسوينها
من اغراضج عرفت انج مغربيه صح ولا غلط
مشكوووووووره عالطبق