شحالكن خواتيه ؟؟ عساكن بخير 
..
خواتي انا وايد ملاحظه ردود تخريبيه ومزعجه في كل موضوع تقريبا
كل ما وحده حطت موضوع نقزتولها نقززه وقمتوا تحطون عليها حط !! جنها مسويه جريمه
اونكن نصحتوها يعني !! صدقني يعني
خواتي ماسمعتوا بـ " فلتقل خيرا لو لتصمت " ؟؟ ممكن اطبقونها ؟ ماعمم عالجميع تراني
فرضا لو وحده غلطت وحطت موضوع تبغي مساعدتكم وحليلها قمتوا سبيتوهااا و كل وحده تقول يلا يلا يا مشرفاات احذفواا الموضوع ؟؟ جيه اصغر عيالكم هي ؟ تراها ماتشتغل عندكم عسب ترمسونها بهالاسلوب
والنصيحه تيي بالكلمه الطيبه وجان تبوني احطلكم موضوع عن النصيحه عسب البعض يتعلم كيف وشو هي النصيحه انا ماعندي مشكله ولا ان هالفوضى تستوي
ترا ساعات الكلمه الطيبه تغير في نفس الانسان
اقتدي بأحسن الخلق .. ماكان رسول الله فاحشاً ولا لعاناً
استغرب مرات والله .. ليش تتوحشون ع البنت يعني .؟؟ مسكينه تبغي حد يساعدها هجمتواا عليهاا مره وحده ليش ابا اعرف ؟
خواتي انتو فبيتكم جي ؟ ترا كل شي تكتبونه يدل ع التربيه و الشخصيه !؟
معقوله ترمسين اهلج وريلج وعيالج وخواتج بهالاسلوب ؟؟
وماتبغين الناس ينفرون منج على هالاسلووب ؟
والي يقهرني اكثر تيلسون تطالبون المشرفه تحذف الموضوع ؟ ليش ان شاءالله الموضوع مافيه سب او شتم او قذف على عكس الردود الي فيه .. انا الصراحه اطالب الردود المزعجه السطحيه الي مالها لزمه تنحذف مب الموضوع لانج لو مابغيتي تستفيدين خلي غيرج يستفيد وهذا اضعف الايمان
والموضوع يروح عالفاضي عسب عقليات مادري شو اقول عنها الصراحه .. خلاص غلطت ادعيلها بالهدايه تسبينها وتلعنين تربيتها ليش ؟؟ انتي شو دراج يمكن هاي احسن منج عند ربج
واخير ا وليس اخيرا الموضوع للنقاش مب للضرابه مثل ما البعض ياخذ المواضيع
وكان الله غفورا رحيما
فيه بنات يحطون مواضيع عشان البنات الثانيات يعطونهم نصيحه
بس البعض يحول الموضوع عفواً لـ ( حلبة مصارعه ) فيها رابح وخسران !
مسكينه البنت ماتحصل من الموضوع لا حق ولا باطل
والله المستعان ان شالله
وبعد مرات العضوة تستهبل من خاطرها مثل وايد مرات استوت هذه السالفة وخصوصاً في هذا القسم بالذات
وبعدين الوحده قبل ما تنزل موضوع تشوف شو كاتبه مب خذوه فغلوه يعني تكتب باسلوب راقي شوي مب ترد تشتكي الناس ما عندها ذوق
وبعدين هذا المنتدى يضم جميع الشرائح ولازم يكون فيه الزين والشين
وزيادة بعد لازم كل وحده ترد على الناس مثل ما تبغي الناس ترد عليها
وسلمتج عسى ما حشرتج بس خخخخخ
صدقتي بكل حرف وبكل كلمة المفروض من المشرفات يحذفن الردود اللي تخرب ع الموضوع
لان صاحبة المشكلة مالها ذنب لمن تيي بنت وتكتب رد وتخرب الموضوع
ممكن تكون مشاكل بسيطة بنظر بعض البنات بس بنظر صاحبة المشكلة كبيرة وتبا لها حل
فلانصغر اي مشكلة تنطرح بالعكس نحاول نساعدهن ونخفف عليهن مب نزيدهن !
يزاج الله خير والله يهدي البنات اللي جيه
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .
بصراحه في وايد جي ماشاءالله اون سيدات وعاقلات بس في بنات اشك في
تربيتهن والسموحه من الجميع والله مب قصدي شى بس في بنات ماشاءالله قمة في الادب ربي يحفظهن
ويهدي الباقيات يارب
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .