اليوم في جريدة الامارات اليوم حاطين موضوع عن شكوى لاولياء الامور الي عيالهم في مدرسة الاتحاد
يقولون انه المديرة تجبرهم انهم يدفعون مبلغ 3500 لدروس التقوية و هذا لكل الطلاب من غير استثناء و كادر المدرسين بكونون من برا المدرسة يعني مو نفس المدرسين و الي يقهر انها تقول انه اي طالب ما يدفع بيفصلونه من المدرسة
صراحة اسلوب غير حضاري و غير تربوي يعني اذا اهي شايفة ضعف في مستوى الطلاب تغير الكادر الي عندها يعني هذا دليل على ضعف الكادر مو ضعف الطلاب يعني حرام يكفي المصاريف الي تندفع لهم و فوق هذا ماشي مدرسين مثل العالم
انا كنت ناوية احط بنتي كي جي 1 عندهم بي من يوم قريت هذي السالفة غيرت رايي مع انه الجميع شكرلي في المدرسة وقالي انها ممتازة و ما عليها كلام و قوية والخخخخخخخخخ
بس الاسلوب مالهم مب شي ابدا ابدا و بصراحة انا افضل الادارة الاجنبية عن الادارة العربية و لا تزعلون صح اني اكره الاجانب بس احسهم منظمين اكثر و اسلوبهم تربوي اكثر
بنات حد عياله هناك و واجه هذي المشكلة ؟؟
والله مآدري الصراحه ،، انا عيال اخوي في مدارس الشراكه ،،،
بس حبيت ارفع لج الموضوع
الله المستعان
ماعندي فكرة بس اللي اعرفه ان مدرسة الاتحاد واااااااااايد زينه يمدحونها
اخواتي انا مدرسة بمدرسة الاتحاد المشكلة انه في طلاب عندهم ضعف في اللغة العربية لانه الام بتكون اجنبية او يكونون عايشين خارج الامارات لفترة طويلة ففي كثير منهم مايعرف يتكلم عربي والعربي مقرر من الوزارة فمثل هذه الحالات يدرس منهج special او خاص لتقوية اللغة العربية عندهم وفي طلاب في الابتدائي ماكانوا مسجلين في الكي جي في المدرسة فلغتهم الانكليزية ضعيفة للغاية وهؤلاء نعاني منهم احنا جميع المدرسين اللي بندرس بللغة الانكليزية مثلا انا ادرس science وكلامي مع الطلاب داخل الصف كله بالانكليزي المشكلة انه قسم من هؤلاء الطلاب غير مؤهلين للدراسة باللغة الانكليزية ومع ذلك اولياء امورهم مصرين على دراستهم للمنهج الامريكي فهؤلاء الطلبة عليهم تقوية لغتهم الانكليزية لانه اذا استمروا بهذا الشكل فسييسببون مشاكل انضباطية داخل الصف لانه ميفهم المدرس ولا شرح المدرس برغم انه اغلب المدرسين يحاولون قدر الامكان تسهيل الشرح واستعمال وسائل ايضاح لانه نعرف انه احنا ندرس المادة لطلاب ليست الانكليزية لغتهم الام اما بالنسبة للنوع الثالث من الطلاب الضعاف وخاصة في الرياضيات فهؤلاء الطلاب لديهم مشاكل ضعف التركيز او فرط الحركة hyper active فلايستطيع التركيز في الصف العادي ومحتاجين الى مناهج خاصة special وهؤلاء هم الطلاب الذين بعثت لهم المدرسة هذه الرسائل اي ان جميع الطلاب المشمولين برسالة المدرسة هم طلاب special وليس الكلام عن دروس تقوية عادية وحسب علمي فالعديد من المدارس المعروفة تقوم بنفس هذا الاجراء
مرحبا اختي العزيزة
انصحج بمدرسة الامارات الوطنية في مدينة محمد بن زايد نظام اجنبي وايد راقي
حبيبتي انا ما انصح اي وحدة اتحط اعيالها في مدارس الامارات الوطنية عمري انا اخصائية اجتماعية في مرحلة ثانوية وبصراحة عيال اخواني كلهم في هاي المدارس الفرعين ابوظبي ومدينة محمد بن زايد المدرسة للاسف بس اسم وغلا على الفاضي الكل يعاني من الفاظ المدرسة التي يتعلمها اليهال من بعضهم البعض هناك والشيطنة وعدم متابعة الادارة للغياب وعدم متابعتهم العدلة للمستويات الطلاب بس يرسلونلج انها وايد زينة وويه عليه ابتسامة والبنت والولد يوم كانوا في مدارس ثانية كانوا افضل من جيه مستواهم وبس خرعيهم بأسم واحد من المسئولين الكبار شوفي الاتصال فيج يوميا غير ان المدرسة ترهق الكي جي بالواجبات المنزلية مع العلم ان المدرسة يوم بنسجل العيال فيها يقولون لج ان الواجبات بتنحل في المدرسة وبعدين تكتشفين ان عيالج واجبات عندهم مجلدات مش واجبات تناسب مرحلتهم غير ان الباص طبعا ما عليه رقابة والهواشات بالكومة واليهال اعمار متفاوته وغير عدم متابعة المشرفين ومكاتب شؤون الطلبة على الابناء بصراحة كلنا بنطلع عيالنا من المدرسة هذه السنة اليايه ومن اخواني الكورس القادم وماعليج من اللي يكتبون لج انها وايد زينه الاستفاف ملها تعبان تعبان ومديرين المدرسة بصراحة تجار مش مديرين للاسف وعليج بمدرسة الورود اوالوردية ولله انهم فوق ما تتصورين عيال اخوي الكبير عياله ذكاءهم اقل من عيالنا للي في مدرسة الامارات الخاصة بس تحسن اسلوبهم وصارو متفوقين والله واتصالات المدرسة ورعايتهم بصراحة احسن منها ماشي واذا مابغيتي عليج بمدارس النموذجية احسن منها بعد ماشي