طبعا انا ابا امتحن ايلس باسرع وقت
المهم اجرب موعد حصلته فالمعهد البريطاني
و انا الي سمعته انه فالمعهد البريطاني ما ينجحون الواحد بمعدل مرتفع
و انا طالبين مني 6
شو اسوي خبروني
و اذا وحده اتعرف كيف آخذ موعد عن طريق تقنية دبي و رقمهم
ممكن تعطيني اياه
و دعواتك يا بنات انه اييب السكور المطلوب مني
قالو لي لا تروحينه لانهم يشددون وااايد
و قالو سيري احجزي فتقنية دبي
و هذا رقمهم
043260333
بس ماعرف كيف تاخذين الموعد
ان شالله البنات يفيدونج و يفيدوني انا بعد
بس سمعت انهم يحطون الموعد بعييد لانه وااايد يمتحنون عندهم
بالتوفيق
أنا بعد كنت بمتحن في برتش وقالوا يشددون وااايد
والتقنيه ماعندهم حجز قريب .. أقرب موعد 22/8/2009
واليوم رحت أحجز في جامعة ولونغونغ في دبي
بس ما أدري بهم كيف
بس قالوا لي ان البنات اللي يمتحنون هناك يقولون أوكي
الله يعين
إن شاء الله ننجح كلنااااااااا
أنا بعد كنت بمتحن في برتش وقالوا يشددون وااايد
والتقنيه ماعندهم حجز قريب .. أقرب موعد 22/8/2009
و اقرب موعد في البرتش كونسل تاريخ 13-8-2009
لانه التصحيح يكون في مكان واحد سواء البرتش او التقنيه ..
ووااايد بنات اعرفهن نجحن من البرتش ولا نجحن من التقنيه والعكس يعني انتي وقدراتج وادائج في الامتحان ..
انـا امتحنت في كليه التقنيه للطلاب في دبي و الحمدلله نجحت ..
بشكـل عاااااام ..
حـاولـي ترفعين المعدل في Speaking لانـه بااااااايخ و مواضيعهـم سهلـه .. و أهم شي انج تجاملين إلي تسألـج
و اذا عطتج موضوع و مـا عرفتي شو ترمسين عنـه .. حاولي تطلعين منهـا بطريقه تخليج ترمسين .. يعني مب تسكتين
مثلا ( أنـا مـا اهتم في هالموضوع لانـه ….. ))
ولا تنسين أول مـا تدخلين تقوليلهـا Good afternoon
و يوم بتطلعين Nice to meet you >> good bye
ولا ترتجفين لاني في مسجلـه .. تسجل الصوت .. عسب مـا تبين التأتأه
و حـاولـى تزيدين المعدل في Writing
لان Speaking و Writing تقدرين تنجحين فيهن