هلاوالله فيكم …..
حبايبي من العنوان اكييد تبون تعرفون ليش هالصالون ((الراقي )) ما يسوي بيزه ….
صح ولااااا لا ..
والله من كثر ما اسمع عن هالصالون .. والصور المسكته المغشووشه اللي عارضتنها هنيه في في المنتدي ..قلت خلاص يوم بتكون عندنا مناسبه لازم اسير واتمكيج عندهااا لانه روووعه (( هذا الكلام كان سابقااا )) اما الحين فتغير كل شي ؟؟؟؟
رحت أنا وخواتي بنتمكيج …
والاخت ريم كانت لااااهيه ويا وحده من زباينها المغشووشات فيهااا …ولانها هيه مشغوله قالت لوحده عندهااا اسمها
( فاطمه ) والله مكيجيهم …قلتلهااا والله نحنا يايين ونبغي مكياجج ..قالت انا وهيه واااحد وإذا ما عيبكم بنعدله …
( ما في ثقه ) ..
كنا طالبين مكياج عيون واللي احيده انهم يحطون بودره كا مل الويه لانا مجربين كمن صالون من قبل وكلهم نفس الشي ويحطوولج عاادي اما هيه ( الحمد الله والشكر ) بس حطت على جفون العين بسسسسسسسسسس انزين ما قلنا حطي فاونديشن كامل …حطي بودره من العادي حتى من الرخيص مب هاااين عليهااا …
وانا كنت اراقب خواتي وهيه يالسه تمكيجهم وبما انهم شافوني أتنشدهم وأتخبرهم عن الدورات اللي يسوونها ؟؟؟
خاااافوا انه تكون عندي خلفيه عن المكياج وطريقته …وسئلوني اذا بتمكيج عندهم وقلتلهم لاااا لاني اعرف احط مكياج لعمري …
المهم …
كانت ريم تمكيج وحده وانا اطالعها واطالع اختى وكان الوضع ( عادي ) عقب ما خلصت الاخت اللي مكيجتها ..والله انه خلتها روووع كان ودي اقولهااا بسسس ؟؟؟ ما لي شغل ؟؟؟
راااحت برع واتفقوااا….
وقالت لاختى الثانيه تعالي بمكيجج وسارتلهااا وشوي اشوووفهاا تعدل الكرسي علشان ما اشوف كيف تمكيج وقلتلها ليش غيرتي مكان الكرسي ؟؟؟ قالت : والله انا ارتاح ( هيك ) اونهااا عيل من الصبح والكرسي مكانه ما تحرك …حبكت عليج الحين بترتاااحين !!!!ولاااا شوي واشوفها تقولي : والله اختي ممكن تطلعين برع ؟؟؟قلتلهااا ليش ؟ جذبت وقالت المكان ( عجأه ) وما عرف اشتغل ؟؟
(((( مسكينه توها مبتدئه ما تعرف تشتغل وحد يشوفها لانه هذا شغل الخبيرات وعادي عندهم شفتيهم ولااا لااا …ما يهمهم اما هيه ؟؟؟؟؟ ))))
قالت : والله أوليلي شو بدن وانا بعملن ..وقتلها شو اللي يبوونه بالضبط …
المهم …قبل ما اطلع قلتلها ( حبيبتي انا اعرف ليش انتي قلتيلي اطلعي مب لانه المكان عجأه على قولتج لااا لانج ما تبغيني اشووف كيف تحطين الميكب ؟؟؟ قالت : أييه والله هذي مهنه وما نبغي حداا يشوووفها انزين قولي من البدايه ليش الواحد يجذذذذذذذذذذذذب ..
وبعدين طلعوا خواتي من عندها …
والله ثم والله انه مووليه مب حلو المكياج وعادي جنهم حاطينه في البيت وبـ100 على شوووو ومن دون رمووش وبالرمووش بـ150درهم والله من زين جحااالج والله بسير صالون الروووعه وووايد ابرك عندهم وبـ150مع الرموووش…
والمصيبه انه اختي سمعتها وهيه تمكيجها يتها وحده من اللي يشتغلون عندها وقالت إلهاا والله في وحده بدها تشقر …….قالتلها ( مواطنه ولا مش مواطنه ) شووووو الفرق ؟؟؟؟ ويوم عرفت انها مواطنه قالتلها (لااا أوليلااا ما نشقر ) ..والله المواطنه ما تشقروولها والوافده عاادي (( نست المسكينه انها يالسه تكد في بلاد المواطنه )) ههههههههه
وخلاص انا وخواتي قررنا انه ابداا ما راااح نطيحه هالصالون لان هاهم شي في الصالون تكون معامله راعيه الصالون حلوه لزباينهاااا…ونحنا ابداا ما شفنا هالشي عندها …وندمن والله على سيرتهم إلهاااا …
وفي النهااايه …( حشااا تقول قصه لليهال علشان يرقدون ) إلاا هذي القصه بتفززهم مون الرقاد طووول الليل …ههههههه
الصالون الردئ المعامله ما يستحق انكم تعبون عماركم عليه وتسووله دعايااا ….لانه ردئ
إلاااا اذا كان في شي مبينكم ….شي ثاااني
وهذا رأيي الشخصي في هذا الصالون اللي الكل مغشوووش فيه وفي هالصور المعروضه يلي كلهااا (( رتووووش )) وتعديل ….
والسمووحه حبايبي انا طولت عليكم …
لاني جربت وما ابغي حد يستويله نفس اللي استواالنا وينغش …..