الكل استوى له هوس العبي ^^
وانا منهم لدرجه فكرت بالمشروع اليديد العبي …والحمد الله لاقى اقبال
ممكن استفساااااااااااااااااار بنات ..
شو الشي الي يجذبكم بالعباه …
الشكل الموديل القصه ..
ول السعر ..
ول انتوا ما يهمكم السعر ..بس الاسم ..
واتمنى الرد غنواتي ^^
هلا حبيبتي
أتوقع اللي الحين الناس تدور عليه
القصه والموديل
والشي المميز ..
يعنى مب قص ولصق كما تفعل الاخريات
واهم شي السعر المناسب
هذا أظن هو السر اللي بخلي الوحده تسعى لانها تسوي عباه
لانه الغالبية تبحث عن المميز والحلو
بالنسبة للاسم .. مب مهم عندي
أهم شي الشغل
في ناس محتكرين مصممه معينة . .وستايلها كل مرة نفس الشي ..
بس في الاخير يسيرون عسب بس بالاخير يقوللون ان مصممه مسويه لهم العباه !!!!
حتى الهندي او العامل الاسيوي اللي عنده محل عبي .. هذا انا اعتبره مصمم ..
لانه يبتكر ويصمم نفس الاخريات ..
بس الذكي اللي ما يطالع مصمم ومصممه
يطالع الشغل ونوعيته وشكله بس ^_^
– القصه
– ما تكون فيها الوان زياده عن اللزوم حدي لون او لونين او بدون 
– بالنسبه للسعر اذا تستاهل سعرها اخذها واذا شفت سعرها مبالغ فيه اودرها ..
بخبرج عني وبداياتي مع العبي كنت اهتم بأن لازم تكون من المراكز والمحلات الراقيه .. بس عقب شفت ان العبي اللي افصلها ب1500 احصلها في المحلات العاديه بربع السعر … والحين من سنتين افصل في المحلات العاديه الرخيصه بس اختار محل يضبط العبي ..
وعن نفسي سويت عبايات عند محلات معروفة وفأغلب الأحيان أقولهم لاتحطولي لوقو
وأقدرألبس عباه ب 300 وعباه ب 3000 ما يفرق عندي أهم شيء شغل نظيف