شو سبب بكتيريا البول بالحمل

خواتي انا حامل بالخامس واراجع بالمستشفى الحكومي ومن شهرين سويت تحليل بول وطلع عندي بكتيريا بالبول عزكم الله وعطتني الدكتورة دوا مب متوفر بالمستشفى
عشر حبات ب 115 جيه واسمه
zinnat وخذته خمسه ايام واليوم سويت تحليل وقالوا لي لا زالت البكتيريا موجودة ولازم تاخذين الدوا مرة ثانيه الحين شو اسوي اسمع كلامهم واشتري الدوا ولا اودي التحليل حق دكتورة فعياده خاصه واسالها احسن ؟؟؟

انا قالت لي عندج التهاب فالبول مادري اذا نفس الشي او لا
ابا اعرف اذا يضر بالجنين ولا لا؟ لاني الصراحه طنشتها وقلت بشرب ماي وايد وانتهت السالفه
مادري الصراحه اذا اي احد تعرف بليز ترد علي يضر بالجنين ؟ لازم اخذ الدوا؟ شو ضرره على الجنين لاني بالشهر 3 بعدني

أختي هااي مضاد أنا أحيد البكتيريا أو الالتهاب يعطون عنه تحاميل حق الحامل
راجعي دكتورة ثانية والله يسهل عليج بس لا تسكتين ع الالتهابات تراها مب زينة للحامل
الله يسهل عليج انشالله

مشكورة اختي عالتنبيه
وانا اللي اعرفه ان التهاب البول مب زين حق الجنين يضره بس هذا مب التهاب هاي بكتيريا وانا مب عارفه الصراحه شو الفرق عشان جيه انا بتوكل على الله وبراجع دكتوره ثانيه

حبيبتي كثرييي من السوااااااااائل وشربي برتقال لانه يدرر البول

وشربي المااي عالريق قبل لا تاكلين شيييي

مشكووورة اختي

انا بعد فيني بكتيريا وعطوني مضاد حيوي لمدة ٧ ايام والحين لازم أرد اسوي تحليل الله يشفينا يااااارب