شو سالفة العمليات القيصرية؟؟

كيف الحال والاحوال؟

الله يبعد عنكم السوء

غالياتي
منذ فترة وانا ابى انزل هالموضوع لانه العمليات القيصيرية صارت بالهبل

مرت اخوي صار لها من 3 اسابيع مربية ويابت ولد فديته عسل ^^ الله يحفظه

وطبعا من قبل لا تدش التاسع وهم يخبروها انه مافي ماي والجنين صغير والخ

وخوفوها يحليلها

واخر مرة قالوا لها الماي خلص تعالي الاربعاء تنامين وباجر الخميس العملية
يحليلها راحت وامي فديتها قعدت معاها …

صار الصباح .. وع الساعة 10 دخلوها تخيلوا انها كانت رقم عشرة؟؟؟؟؟

يعني قبلها 9 حريم مسويات عمليات قيصيرية !!!! وهناااك بعدها في الانتظار؟؟؟

ويوم طلعت ودوها الجناح الخاص بالمرابي انزين مريت ازورها الساعة 5 تقريبا وهي الفقيرة تعبانة ولو تصدقون انه ولدي اخوي صغيرون مرة اكبر من الكف بشوية معقولة الحين ها ما بينزل طبيعي … وع فكرة كانت توها داخلة التاسع يعني جدامها اسبوعين تخلص من التاسع!!

اوكيه الفقيرة كانوا ينقلوها من غرفة لاخرى عسب في عمليات قيصيرية .. تخيلوا لين الساعة 8 المسا بعدهم يسووون عمليات وجدام عينا يدخلون وحدة ورا الثانية .. والي جنب مرة اخوي مسوية عملية قيصيرية ووحدة اعرفها في الغرفة الثانية مسوية عملية وقيصيرية والي جنبها …

الممر هاك اليوم فضيع ناس طالعة والداخلة وكلهم عمليات اذا حسبتها وما بكذب عليكم فوق 15 حالة ؟؟!!!!

والسبب انه ع كل عملية قيصرية بيزات للي تسوي العملية ….

والمشكلة البنت الي اعرفها اول مرة طبيعي والثانية قيصري كيييييييف؟؟

ووحدة تخبرنا انه في حرمة ماشاء الله عليها يابت 12 ياهل طبيعي يات ع هالاخير قيصيري كييييييييف؟؟!!!

فاتضح انه العملية تجارية بحتة ؟؟ معقولة يلعبون في النااااااااااااس

انا فكرت اني اتكلم مع المسؤول بس ما ادري مرات اقول راح ينادي دكاترة التوليد ويسالوهم فاكيييد بيقولون احنا ادرى بشغلنا لانه المسؤول مب مختص بالامور ؟؟؟!!

فشو رايكن هل هذا طبيعي انه القيصيري منتشر بالهصورة والا هناك عملية تجارية بحتة ؟؟