[SIZE="5"]شو رايكم نتبع هاي الخطوات لشعر روووعه وطويل وغليظ
مرحبا حبيباتي
قريت موضوع وقلت لازم احطه لكم في قسم العناية بالشعر….حبيت افيدكم به
اللهم صلي وسلم وبارك على سيدنا محمد
وانتي تتمشطين سمي عليه واقرا عليه أية الكرسي والمعوذات ( ارقيه يعني )
احتفظي بالشعر اللي يتساقط اثناء التمشيط والإستحمام ولا ترمينه في الزباله ( تكرمون )الحريم يوصين اتحافظين على شعرج المتساقط على شان الله يحفظ لي شعر راسج….وحطيه في كيس من ورق ويوم يمتلي ادفنيه في البر
اغسليه بهدوء ولا ترفعينه كل الشعر فوق راسي وتفركينه…لا ابدأ من فوق لين اتوصلينه اطرافه….
اشطفي شعرج في النهايه بمياه الشرب المعدنية…زجاجه صغيره نص لتر
لا تستخدمين السيشوار ابداً
اجلسي في مكان توصله اشعة الشمس لمدة 5 – 10 دقائق مب أكثر
قصي اطرافه 2 سم فقط كل شهر ( قص الشعر من الأفضل يكون في نصف الشعر الهجري وتسمي بالرحمن)
خلطة الحناء: فنجان حنا ( الكمية حسب طول الشعر )….ليمونه صغيره ( للوقاية من القشرة)…..ملعقة زيت زيتون ( للمعة والترطيب )….بيضه ( للتغذية )….ورووووب خخخخخخ عشا
هذي الطريقة تخلي الشعر يستفيد من الخلطه عدل ويكسب الشعر لون الأحمر الحلو
والخلطة تسوينها مرة في الشهر
قبل ما تغسلين شعرج حطي اي زيت ايناسبج مرتين في الاسبوع
بعد الغسل والشعر مبلول حطي قطرات من زيت النارجيل وسوي مساج خفيف وزعي القطرات على فروة الراس بس""
تناولي فيتامينات خاصه للشعر والبشرة والأظافر وأفضل نوع
( Permea Plus )
…وكبسولات زيت السمك omega 3 أوميغا3
وأهم شي الإستمرار
وطبعاً النتايج تبين بعد كم شهر…مثل ما تعرفون الشعر والجلد يطول لين ما تبين فيه النتايج
وإن شاء الله قدرت افيدكم
وابي دعوه طيبه من الخاطر حبيباتي[/SIZE]
