شو رايكم في جزيرة صير بني ياس أبو ظبي في الامارات

السلام عليكم والرحمة

اشحالكم خواتي

بناااااااااااااات بغيت استفسر عن جزيرة صير بني ياس أبو ظبي ياليت تعطوني معلومات عنها..

تستحق الزياره ولا.؟؟

وشو فيها.؟؟

وفندقها اوكي..؟وكم سعره .؟وشو خدماته.؟؟

وعادي لو سرتها الحين ولايوم يبرد الجو احسن..؟؟

انا سرتها قبل 5 او 4 سنين
ما شي فنادق هناك .. كان شاليهات من كرافانات والله لا ايوريج ما اوصخها <~ الناس اللي يايينها امشخبطين عليها وكاتبين اساميهم ع الكرافانات من داخل ومن برع .. يعني اذا مليتي ايلسي اقري رمستهم ^^
والمطعم مالهم اكلاته مب شي <~ وماشي غير هالمطعم
وكل شي ببلاش .. السكن والاكل
الجو يوم سرناله كان براد وحلو .. طبعا فيه بحر .. وفيه باص هو اللي يحوطكم صوب الحيوانات .. تقدرين تنزلين واتصورينهم ..

حتى لو سرتي الحينه بعد حلو .. تقدرين تسبحين في البحر

على هاييج الايام كنا انشوف يبنون اشيا يديده <~ اسألي وشوفي يمكن فنادق او مطاعم يديده
ونصيحه <~ سيروا كمن عايله بيكون احلى ^^

تسلمي الغالية ع المعلومات

افتحو فندق هناك من فئة خمس نجوم^^

للرفع

اهااا <~ اذا جي عيل انصحج اتروحين له ..

انا سرت لها من جريب وايد حلو المكان وسمعت ان الفندق كان استراحة الشيخ زايد الله يرحمه سابقا فيها انشطه

واكلهم حلو انصحج بالمطعم اللي فيه سي فود

بس اصبري يوم بيبرد الجو بيكون المكان ولا احلى

——————————————————————————–

اللَّهُمَّ فَارِجَ الْهَمِّ ، كَاشِفَ الْغَمِّ ، مُجِيبَ دَعْوَةِ المُضطَرِّينَ ، رَحْمنَ الدُّنْيَا وَالآخِرَةِ وَرَحِيمَهُمَا أَنْتَ تَرْحَمُني فَارْحَمْنِي بِرَحْمَةٍ تُغْنِيني بِهَا عَنْ رَحْمَةِ مَنْ سِوَاكَ

اب
اب

تسلمي هنهون

سوارة تسلمي ع الرفع