شحالكن خواتي ؟
اليوم عندي موضوع يقرقع فخاطري و قلت بتناقش فيه وياكن =)
شو رايكن بالزواج من الريال المطلّق ؟
ممكن توافقين على الزاوج من ريال مطلّق اذا كان محترم و اخلاقه طيبة و حالته المادية ممتازة و عنده شهادة و منصب ؟
خصوصاً اذا انتي صغيرة و حلوة و بنت ناس و الف من يتمناج يعني مب ناقصنج شي او مب مضطرّه تتنازلين !
ولا بتفكرين انج مب الاولى في حياته و يمكن يقارن بينج و بين طليقته ؟ و انتي ما عندج تجربه سابقة طبعاً
و هل بتفرق وياج اذا عنده عيال ؟
و اذا العيال في حضانة طليقته شو موقفج في هالحالة ؟ (يعني عايشين وياها و ما يشوفهم الا مره فالاسبوع)
صحيح اللي يقولونه ان المطلّقه فرصها اقل فالزواج كـزوجة أولى ؟ و الريال المطلّق بعد فرصته أقل ؟ (يعني لازم ياخذ مطلّقه شراته او أرملة و صعب البنيه البكر توافق عليه)
و شو رايج فـ اللي يعتبرون زواج البنيه البكر من ريال مطلّق وصمة عار ؟ يعني يقولون شو ناقصنها عشان تاخذ واحد مطلق و ابوعيال ولا اكييد طايحه في جبد اهلها و محد يباها !
بعض الأهالي يخافون على بناتهم من المطلّق لأنه يمكن يكون مصيرها شرات زوجته الاولى .. شو رايكن في هالكلام ؟
باب النقاش مفتوح و اتمنى الموضوع ينال على اعجابكم و نطلع منه بفايدة
و الاختلاف في الرأي لا يفسد للود قضية 
تحياتي / الغر الحشيم
موضوعج حلو
أكيد الريال المطلق ريال نفسه نفس غيره ^_^
الطلاق بالاصل عبارة عن تجربــة في حياة الانســـان
مب كل تجاربنا تنجح ,, لكن أهم شي ان نحن نتعلـــم منها
اذا الريال كان مطلق وخلوق وملتزم اكيد بنوافق عليه ليش لأ ^_^
الطلاق مب عيــب , مرات الحل الامثل في بعض الزيجات للسعادة هو الطلاق.. ^_*
لإن العشرة تسحيل ,, والمودة والرحمــة مب موجودة
اسباب الزواج معدومـة فأكيد الطلاق يكون حل وسط ^^
سبحانك ربي ما أعظـــك
خلق لنا كل شي لنعيش الحياة السعيدة
وحتى الطلاق خلقه لنا عســب اذا انحن حياتنا الزوجية سلبية نتخلص منها ,,
لإن نحن مخلوقين لنعيش سعداء دنيا وآخرة
فباختصار ^_^
" اذا جاءكم من ترضون دينه وخلقه فزوجوه "
سواء مطلق أم أعزب ^_^
وهذ رايي
السلام عليج و رحمة الله و بركاته الغلا
جدّ موضوع حلو و يبتيه بطريقة حلوه =)
شخصيّآً .. أجوف الموضوع بالنسبه لي عادي و لكــن .. بشرط تكون أسباب انفصاله
عن زوجته الأوليّة أسباب مقنعه .. يعني اذا كانتْ أسباب غير مقنعه هنه بخاف ععمريْ ليش أوافق عليه
و يمكن يهدني أنا بعد لسبب تافه ..
أما غيــر جذه بالعكـس عاديّ جدآ .. موآفقتي عليه أكيده ..
من نآحية مآضيه مع حرمته .. هالشّي لا يمكن نسيآنه أبدآ و لكنّ الحرمه الشآطره
هي اللي تعرف تثبتْ نفسهآ و تخليّ عمرهآ أسآس في حيآته و لو انوجدت ألف غيرهآ مب الا وحده ..
العيآلْ .. مآشيْ خلـآف من وجودهم هذيل حليلهم مآلهم ذنبْ و الرحمة و الروفْ بهم أهمّ شي
و الحرمة الثآنيه لابدّ عليهآ تحننْ قلب ريلهآ و تقوي علاقته بعيآله مب تبعده عنهم .. هذآ أكبر غلط ><"
في نظريْ نقطة أسباب انفصاله من زوجته السآبقة أهمّ شي بركّزْ عليه ^^
لأنه اذا أسباب ما تستاهلْ .. كيف أقدر أبني حيآة مع هالشخص و هو ممكن يهدني في أي لحظه لسبب تآفه !
و السموحه عزيزتي طوّلتْ عليج
بما ان الريال اخلاقه زينه وعنده منصب وشهاده
لا ما برفضه بس في حال عنده عيال يمكن اتردد لانه احتماليه الرجوع لزوجه الاولى كبيره عشان العيال
والسموحه
انااا اشووووفه شي عاااادي ماافيهااا شي آخذ وااحد مطلق بس اهم شي اعرف سبب طلااقه واذا كان مب منه اهو عادي واذا الشي الثااني طبعااا ما موواافقه وانناا افضل انه يكون بدوون عيال ^^
وثاانكس ع المووضوع