وحليله ولدي سرح الصبح مع الباص على الساعة 7 وقلت برتاح شوي لان بنوتي مانامت طول الليل مريضه فديتها ..والا على الساعة 7 ونص الباص يصيح هرنااات وشال بالدنيا..وأستغربت !!!!!!!! ولدي شئ بلاه …
ونازل فديته وخانقتنه العبره …
وطلعت الخدامه واشوفه من الدريشه نازل ..وقالت لي الخدامه ماما مافي اليوم ستيودنت((اونه محد طلاب في الباص )) وفديته مستانس اونه بيلعب سوني قلت له حظك..
وعلى الساعة 10 اتصل للمدرسة وخبرتهم قلت لهم ليش رجعتوا ولدي ..وجان تقول الوكيله نحن مارجعناه ..قلت لها ليش الباص نزله الساعة 7 ونص قالت كيييييييييييييييييف !!!!!!!!!!! قلت لها والله انه رجع..واصلا كيف يرجعه قلت لها كيف يرجعه البيت بكيفه قلت لها لو لا سمح الله الدريول ما رجع ولدي على منو بتكون المسؤوليه والحمد لله انه مشرفه في الباص …وانا ولدي والله يوم يصيح مايريد يداوم اخليه يداوم بالغصب والحين والله ما أأمن على ولدي يداوم يوم انه اكثر الطلاب محد ..ومابخليه اصلا يداوم ..خلاص ..((ودريول الباص من نفسه اعطى ولدي اجازه ))بعد مب هيين الدريول وقالت الوكيله اونه بنكلم راعي الباص وبنرجع نتصل لج …ولا سمعت لهن خبر ..
فديييييييييته
ربي يحفظ عيالي يارب وعيال كل المسلمين..
الحين والله ليش يخلون اليهال يداومون حليلهم لين شهر 6 وولدي اللي بصف اول من اسبوع عنده اجازه.
ولاا بعد عيالي يرجعون بالساعة10 وهو الي في الروضه 12 ونص على الاقل بعد خلوهم 10
حرام والله لازم يرحمونهم ..حليلهم …
انا مثلج اقول شو هاا اللي فالثانويه والاعداديه يخلصوون قبل اللي فالرووضه
بعديين ارد واقوول احسن لهم ييلسون فالبيت شو يسوون
والامهاات يداوموون وهم فيد الخدامة او ام البنت او ام الريل
خلا هم بعد يداوموون شو يسوون فالبيت بس جييه
عسب ما ينكسر خاطري جييه اقوول
ها واحد من الاسباب اللي خليت بنتي السنه تقعد من المدرسه لاني شليته ودخلته بنفسي لين الصف ويوم رديت البيت والبيت تقريبا بين المردسه والبيت كيلو او نص ما ادري تفاجات بنتي يايه من المدرسه والمدرسه خبر خير والحمدلله انه الله حفظها هاك اليوم ولا جان قص عليها اي حد مار فالطريج وراحت عنده
اللهم لك الحمد والشكر
اول روضه هو هو تعب شوي في اسبوع الي راح14|5
وبعدين عطيته اجازه خخخخخخخخخخ قرارفردي
وشفت الباص فاضي ليش يداوم بعد
كنت اخلي اخته الي اكبرمنه تدام وماتغييب شفته مو ضروري
بس انا اشوف زين انه رجع ولدج احسن من انه يداوم بروحه
الكبار خلصودراسه
شوه يبون باليهال يخلونهم يداومون لين شهر 6…..
بس وين الادارة مايدرون شي عن الطلاب والدريولية لو راعي الباص سوا شي باليهال على منوه المسؤولية….؟
عندي ولدي صف ثاني من اول شهر 5 وهوه مخلص وميلس في البيت ….
ويوم الاحد ينتي الثانية بتخلص امتحانات …..
لا انا ولدي روضه بس الحمد لله خلصو نص 5 تقريبا ارتحت > > > > وين الراحه بس طااااار النووووم هههههه
الله يعينهم هالاطفال مساكين ^_^
طبعا هذا الكلام قيل اسبوعين
طلعوا ما شيء بس يلعبون ورافعين الغيابات
رديت عليه وقلت له خلاص اسملحي ولدي بياخذ اجازه من باجر قالي عادي ما شيء مشكله ولا بد قالي خبري الباجين
احسن لكم ولنا اونه يرتاحون شوي من التدريس والاشراف
ولدي فديته من اسيوعين نايم ومرتاح ما يقول الا الساع 12 الظهر يعوض ما فاته ههههه