شو تبدون تاخدون من الشهر الرابع؟؟!! للصحة

السلام عليكم ورحمة الله وبركاته،،،،
هلاااا بنات أنا ألحين في الشهر الرابع من حملي وأبا آخد أدوية يعني مثل الكالسيوم وفيتامين وأي شي ثاني مفيد في فترة الحمل واللي أتعرف نوعية زينة من هالأدوية تكتب لي أسموا أواتحط لي صورته إذا قدرت
ملاحظة أنا عندي فقر دم وعيالي يوم اجيبهم دوم اضعاف
ولله الحمد والشكر على كل حال

هالاشياء لازم تاخذيها بعد استشارة الطبيبه اللي تباشر حملج
و حسب الجرعه اللي تقولج عليها
لان اذا خذتيهم غلط بيأثر عالحمل و الجنين
و ممكن تدخلين في مشاكل
الله يتمملج على خير ان شاء الله

حبيبتي الحل مرحله لازم اتحاسبسن ما تاخذين شي بدون استشارة الطبيب

ما يخصه بنات لازم كل مرأة حامل تأخذ حديد وكالسيوم في فترة الحمل
وأنا من متى ما أسير عيادة أو مستشفى وما عندي امكانية حالياً أسير والا أنا في كل حمل الدكتورة توصف لي هالأدوية بس أنا أشوف في نوعية تتغير وأتكون غير عن اللي آخده قبل مثل الكالسيوم يعني كل صيدلية
تعطيني شكل فأنا سألتكم يمكن حد يعرف نوعية زينة

اختي كل حمل يختلف وكل سنة ينتجون ادوية احسن من اللي قبلها
الافضل نفس ما قالوا الخوات الدكتورة الخاصة فيج هي اللي تقررلج…لا تاخذين من اهني والدرب اي دوا حد وصفلج اياه
اللي والمج احتمال ما يوالم الغير و العكس
يعني انا شخصيا يوم حملت ما اتحملت حبوب الكالسيوم موول ما والتمني وبالعكس اختي في حملها خذتها و ارتاحت…فهمتي قصدي غناتي