شو تأكلون عيالكم؟؟؟؟ لعشاق السياحة

مرحبا أمهات؟؟؟

أبغي أبدأ أعود بنتي تاكل أكل.. بس مب عارفة شو أعطيها وكيف أبدأ وياها ،، إذا ممكن تساعدوني بخبراتكم ويا اليهال .. عمر بنتي 4 شهور تقريبا…

عطيها حليب وبس انا اليوم كنت مع الدكتورة قالت في هالعمر اللي بيفيدهم بس الحليب صح وايدين ياكلون عيالهم بس صدقيني بطون اليهال ماتستحمل فصبري شوي احسن للياهل واريح لج

انا اعطي ولدي فواكه مشكله واعطيه ميلوبا برتقال وفواكه مع قمح وسيريلاك بس السيريلاك مال 6 شهور ويوم سألت الدكتور قال عادي عطيه بس اسويله نفس الحليب يعني احط وايد ماي وولدي عمره 4 شهور وكم يوم

نفس مياري الحلوة

الغالية اللي أعرفه ان الياهل مفروض يتعود عالأكل شوي شوي من عمر 4 شهور لان بعدين صعب يستسيغ الاكل ويتعود عليه…

أشكركم عالرد بس أنا أبغي شي أسويه في البيت .. من أكل البيت وإذا ممكن وجبات لياهل يكون بدا ياكل شوي (أفكر في بعد شهرين شو ممكن أطبخ لها لأن ما عندي خبرة في هالمجال أبدا)

حبوبه فوري بطاطا +جزر+كوسا
واضربيهم في الخلاط واعطيه من بداية الشهر الخامس

مرحبا الغاليه ممكن تعطي روب الي يج مع فواكه مشكله مثل المشمش والخوخ والفراوله عادي وبعد في بسكوت اسمه فارليز ممكن تذوبينه في الحليب وتعطي بعد وأما عن الوجبات مثل عيش مفورمع بطاطا وزهره أو ذره مع بطاطا أو كوسا وجزر مفور أو زبده شريحه صغيره مع بطاطا وزره وطبعا كله بالخلاط انتي طبعا خلطي وشوفي الي بيحبه وسوي وبالعاااااااااافيه عليه انشاء الله