السلام عليكم و رحمة الله و بركاته ..
شخباركم خواتي عساكم مرتاحات
اليوم فتحت هالموضوع اللي عنوانه مبين 
<< بدت تستهبل هع
لان في وايد منا حزت العشا يخلي عمره ما يسمع الوالده يوم تقول شو بنتعشى اليوم فكروو >> نفس اختكم
ولان الوقت من العصر لين اذان العشا هذا اصعب وقت لان نعصر الجزء المسؤول عن الاكل في مخنا عشان نحصل اكله بس كل شي نحسه ما يصلح للعشا
ونبدا نتهرب وكل واحد يعق ع الثاني ويقول انا باجر دوري اختار << هذي اختكم سلطانه
ندش ف الموضوع ..
موضوعنا اليوم شو عشانا ..!!
كل وحده تدخل تكتب لنا شو العشا اليوم ويا المقداير و الطريقه .. عشان نسسهل ع الباجين اختيار وجبه العشا الممله
شو رايكم ..
يلا نبدا بسم الله ..
وهاي المقادير
المشاركة الأصلية كتبت بواسطة برستيـج 
كل مره اسوي سويت للعصر… بس بما ان مايضبط وياي فحولت للموالح … وكان التحويل لصالحي وصالح العايله الكريمة
قولوا شقايل !!
لصالحي " حصلت مدح خخخخخخخ
لصالح العايلة الكريمة " حصلوا عشا هع هع
نبدأ
المقادير
2 من كل من
باذنجان .. كوسا … بطاط .. زهرة "قرنبيط" … جزر …
نخي "حمص" حبات … ودياي على حسب عدد الافراد
للصوص ..
2 روب .. 2 فص ثوم .. 1م مايونيز .. 1 م طحينية … 1 حمص بالطحينية … ليمونه … ملح …
للتزيين
بقدونس … خبز مقطع صغار … سماق
نقلي كل مكون بروحه .. وعقب نصفه فالبايركس …
وهني مقتطفات من العمل << جنه ورشه مب اكله
كشخه صح خخخخخخخخخ
والحين بقوم اسوي عصيده … مع ان حر والعصيده كشخه الشتا … بس بخاطري اليوم اسويها << مايخصه بالعشا >_<
عن نفسي اليوم عشانا بيكون
شيبس مقلي بس قبل مفور بخل
و بوب كورن شيكن
شرخمه ( بلاليط بالحليب)
جبن فرش بالحبه السودا و قشطه
عصاير فرش و بس
يالسه افكر للحين><