شحالكم عزيزاتي …….وشو دنياكم ان شالله اموركم طيبة…..
الغلا حبيت ايكون ها الموضوع عن شو الموضة اللي نازله الحين…….
طبعا كل انسان ذوقه يختلف عن الثاني………… ومب شرط نتبع الموضة في كل شيء……
بس في ناس اتحب تمشي ويا الموضة. وما شالله في بنات هم يبتكرون الشيء……. وعقب تلاقي الكل يمشي وراهم………
عندج مثلا العبي………. كل فترة تنزل موضة شيء…… من قطع او موديلات
وعندج بعد الشنط……… مره كبيرة مره صغيرة مره ماركة,,,, وغيره
بعد عندج موضة الالوان……..مرة البنفسجي مرة التركواز مره الفوشي…….
فليش ما نخلي ها الملف مرجع لنا عسب انعرف شو خطوط الموضة …….. على الاقل مب عالميا……….. على الاقل على مستوى بلادنا……
انا ما ألف واااااااايد في السوق…… بس اللي حسيته انه حاليا بالنسبة للعبي قطعة ندى والقطعة البحرنية الحرير هي اللي دارجة بزيادة…………… والا شو رايكم؟ وبعد القصة اللي اتكون في الصدر
او المجرسف في اليد والصدر…….
اما بالنسبة للشنط احس بعدها موضة الشنط الكبيرة……. بس راحت موضة الشنطة اللي اتكون قطعة الماركة او العلامة مرسومة عليها…….
اما عن الالوان ……من بعد اليموني والاخضر الفاتح. والتركواز…….ز حسيت رادين على الفوشي
والا شو رايكم؟؟
خلونا نستفيد من بعض……….
شو هي موضة العبي؟؟؟؟؟؟؟؟
شو هي موضة الشنط؟؟؟؟؟؟ظ
الوان الدارجة ها الفترة؟؟؟؟؟؟؟؟
ولو عندج ملاحظات ثانية بعد حلو……….
صح بعد لاحظت شيء……. موضة الفساتين المنفوشة والاوفر راحت……. الحين رادين على الفساتين الطايحة السمبل……… صح ولا لا؟
نتريا مشاركاتكم الحلوة
اب
مشكورين غناتي على الرفع………… بس شو السالفة الجماعة يدخلون ومحد معبر………
يالله الخير والبركة في الحلوين,,,,,,
بالنسبة للعبي فالعباة البحرينية و القصات الواسعة هي الي متصدرة و مثل ماقلتي على قطعة ندى او الحرير و بنسبة للشغل البلاستك و المرور ما زال……………….
أما بالنسبة للشنط فالشانيل الماكسي بجميع الوانها مكتسحة و تضل الهرميس البيركن على رأس القائمة بلا منازع…
أما الالوان الاصفر و البنفسجي و الذهبي و البرتقالي التان و الفوشي………….
أتمنى أكون قدمتلج الافادة في النهاية ذوق البنت في تنسيق الالوان الي تناسب بشرتها و حجم جسمها يلعب دور كبير بغظ النظر عن الموضة الدارجة…………….
الموضوع حلو كثير غناتي
ولي رجعه
هلا اختي فرس بوظبي……….
ومشكورة ها مشاركتج الطيبة……….
بالنسبة للشنط……….. ما زالت عملية البحث مستمرة ماشي دخل خاطري………… وبعد دخلت شانيل اللي في دبي موووووووول ما عيبني شيء………. هل عندج بعض الدزيزنات الحلوة.؟
"أما بالنسبة للشنط فالشانيل الماكسي بجميع الوانها مكتسحة و تضل الهرميس البيركن على رأس القائمة بلا منازع…"
تبين الصدق ما عرفت ها الماركة ممكن تكتبيلي اياها بالانجليزي غناتي " الهرميس البيركن "
………
ذبحني حبك………..
نتريا رجعتج …عسب تفيدينا……..
اما لنسبة للون الاصفر ما بتصدقين شو طالع خبال على فستان سهرة …….. الأصفر مع الاسود شو طالع خطير…….
شيء فعلا فخم…….. وطبعا يفرق من شغله لثانيه ومن درجة لون للثاني……. تدرين لو حصلت لج صورة الفستان بنزله لج……
ولنا عودة