شو العمر المحدد لدخول الروضه؟؟؟؟؟؟وجزاكم الله خير للطلاب

يا بنات مساكم الله بالخير ………..ابي اسأل اذا في مدرسات او وحده من الامهات كم العمر المفروض لدخول اول روضه وثاني روضه في ابوظبي؟؟؟؟
واشكر مقدما كل الي بترد علي وجزاكم الله خير

لازم تكون مكمله ثلاث سنوات و لو اقل بشر او شهرين يقبلونها باستثناء من وزارة التربيه مثل ما سويت انا لبنتي

مشكوره يا سحايب دبي وجزاج الله خير بس انا بنتي مكمله هالشهر اربع سنين يعني شو ادخلها ثاني روضه شو تنصحوني افيدوني افادكم الله

اذا اول مره تدش المدرسه ما قد راحت لا الصراحه ما انصج…أتمنى تدخلينا روضه اولى وتاسس عدل وتعرف ،ولانها اول مره تسير المدرسه….بس حبيت اعرف روضه حكومه ولا خاصه؟؟
عن تجربتى دخلت بنتى عمرها 3 الحضانه وماشاء الله اخر السنه وايد اشياء استفادت منها وعام سجلتها روضه اولى وقالت المدرسه انها عادى ممكن تطلعها روضه ثانى قالتها لا بريها روضه اولى عشان تاسس زين والسنه روضه ثانى وربي يوفقها ويوفق الجميع(في روضه خاصه بنتى)

انا ولدي عمره 3 سنين وشهرين الاسبوع الياي بيداوم روضه اولى

وانا بعد الصراحة محتاااااااااارة بنتي 3 وشهرين ما ادري احطها في المدرسة ولا لا .. هي وايد متعلقة بي ..يعني اخاف احطها في المدرسة وانفصل عنها فجاة وصياح ونواح وفي نفس الوقت قالو لي ما تقبل المدارس الخاصة اقل من 3 ونص ..وما اباها عند الخدامة .. والله محتااااااااره وايد شو اسوي؟؟؟ انشالله من ردودكم على الاخت نستفيد … يزاكن الله خير

وانا توني طارحه موضوع .. ابي الخوات يساعدني ..اسجل بنتي والا لا ( عمرها 3 سنين بالضبط) ..
متردده ما اعرف؟؟؟؟
احس انها صغيره..