شخباركم كرووشات ^.^
حبيت استفسر يما اني حامل وبالشهر السابع
ابي ارتب وازهب كل من الحين حق رباي ؛
شو تنصحوني اخذ مشد ولا كورسيه وشو هو الافضل
وانتو شو جربتو ونفعكم حق البطن ، لاني كنت بعد حملي الاول
استخدم ضاغط بس ما ينفع ؛ اريد شي اوكيه وكم فترة
الاستخدام وهل تربطون بطونكم وقت النوم ولا بس فالنهار
اتريا افادتكم
❤
عندي الحزام مال بيبي شوب
بس لما تربطينه مرة يرتفع لين الصدر او ينزل
يعني مش ثابت
المشاركة الأصلية كتبت بواسطة ss91 
عندي الحزام مال بيبي شوب
بس لما تربطينه مرة يرتفع لين الصدر او ينزل
يعني مش ثابت
انا ما كان يطلع كان يتم في مكانه لاني كنت البس شي قطن و بعدين بحط الحزام عسب ما ياثر على جلدي
انا كنت اربط غتره جديمه واربط شيله وعقب احط حزامين والبس شوري ضيق ههههههههههههههه
هاى كله عسب ماينزل بطني او يترهل بس وقت النوم لازم تشيلونه
وعليكم بالمشي بعد الاربعين امشووووا وخفوا ايدينكم لان النفسيه ترجع بزود
مشي حزام اكل صحي وبتردين جسمج