شحالكن خواتي ؟
عندنا عرس بعد 10 ايام تقريباً و الصالون اللي اتعامل وياهم حجزت عندهم المكياج بس ما حصلت حجز حق الشعر فل للأسف 
عشان جيه بغيت تخبروني عن احلى التسريحات عن تجربة في صالونات الشارجة و عيمان ^_^
و يا ليت تكون اسعارهم معقولة مب اكثر عن 300 درهم للتسريحة العادية لني ماحب اعق مبالغ خيالية حق ساعتين ثلاث بالكثير .. مب بخل مني لكن ماحب التبذير و البطره ع الفاضي اذا متوفر البديل
و مابا ارقام كوافيرات لان معظمهن ما يطلعن حق وحده و مبالغين في اسعارهن من 400 و فوق ! .. و كلمت امل التونسية ما شاء الله عليها طيبة و حبوبة و ذووق و اسعارها معقولة بس للأسف محجوزه في التاريخ اللي ابغيه
و قبل كنت اتعامل ويا مركز الروعة في الشارجة عند هيام المصرية تسريحاتها راقية بس الحين اسعارهم مستويه خيالية اونه من 500 و طالع !! و الادارة تعاملهم زفت عشان جيه ودرتهم .
انا احب ستاايل الويفي و تسريحات الستينات المتموجة والمرفوعه .. اي صالون ممكن يظبطها ؟!
المشاركة الأصلية كتبت بواسطة برق لمع 
التسريحة كلها على بعضها استشوار للشعر و درزن بينات و كم رشة اسبراي و شوية لمعة .. حق شوه 500 و 600 !!
لو تحسبونها أغراض التسريحة ما توصل 50 درهم + تعب الكوافيره بنقول من 150 لين 200 معقول يعني التوتل = من 250 لين 300 و ان زااد 350
لكن اكثر عن جيه الصراحة يوور و طمع
الله المستعان
المشاركة الأصلية كتبت بواسطة غرشوبه داري بسم الله الرحمن الرحيم
عندج صالون ريم وصالون نوف في عيمان ماشاء الله عليهن
تسارييحهن غاويات ويضبطونه لج اياه عن تجربة
وشفت شروات اللي تبينه فيهن ..~
خذي صورة عن تسريحة اللي تبيينها وراوييهن وبيسونه لج اياها
وأما عن أسعارهن ترتوب ما تتعدى 250
وبالتوفيج .}
يعني صالون نوف تسريحاتهم مظبوطه ما تتبطل لين آخر العرس ؟
و عندهم ستايلات يديدة و مبتكرة ؟ .. لأن بعض الصالونات ما يغيرون تسريحاتهم كلها جديمة من سنين
وتلاقيــن الي تبينه ..
للــــرفع ..
الله المستعان
صالون منال شغلهم ترتوب