شووو الهدف من الختاان لصحتك

السلاام عليكم

شفت انه وحده من العضوات محطيه عن الختان حبيت اسوي موضوع يديد لني ادري لو كتبت في موضوعها يمكن محد يرد

بس استغربت انه ختان البنت مب اجباري
ابي اعرف هالشي صح ولا لاا يعني الولد الي لازم يسون له ختان والبنت عادي مب لازم
يعني الاسلاام محلل هالشي ولا لاا
بليز الي عندها معلومات و واثقه منها تخبرني لني صج استغربت لما دريت انه في بعض قالوا انه مب لازم
واذا تقدر تيب لنا شي من حد من المشايخ يعني دليل انه مب اجباري

إن شاء الله الخوات بيفيدونج أنا أعرف الجواب لكن ما أبا أفتي

احس لن الختان ما له هدف غير تشويه البنت

مع احترامي لرأي الخوات …. اللي يحبون يختنون بناتهم

شوفي الغاليه… الولد لااااازم يتختن لانها طهاره له…. بس البنت مب اجباري.. لكن سنه…. بتقولين ليش…؟؟
في المستقبل يوم بيكبرن البنات بيحسون بشهوه كبيره تحد القلييييييل منهم الى فعل الحرام…. قبل يوم ختنونا …. بتروا قسم كبير من هالعضو…الله يسامحهم… مايعرفون… بس يتحسبون انه البنت ابد مابتطلع قويه ولا تفعل الحرام بهالطريقه…. لكن الحين اختلف الوضع.. بناتي يوم وديتهن يوم قصت الدكتوره… قصت جلده بس .. مابتتخيلين كم صغره… بهالطريقه انا اقول الختان…. مب بتر العضو لين النص… وتتغربل يوم تعرس… ماشي احساس!!!!
المشكله بنتي الصغيره ابا اختنها .. بس مستشفى زليخه الحين مايختنون… ويقولون عند الدكتوره فوفو اظن في العين تختن… بس بعيييييد عني… وما ابغي وحده تي البيت…. احس ممممم مادري … اخاف بصراحه… فانا اقول … الرسول صلى الله عليه وسلم.. ماقال عن ختان البنات الا لسبب مقنع…. سبحان الله…

ساره حبيبتي… الي عنده بنات … يكون عنده خبره ههههههههههههه

هي مسألة عادات وتقاليد .. وهو مب فرض ع البنت يعني لو ماختنتي عادي عزيزتي ..

واخت ريلي مختنه واتقول والله عادي لاقلت الشهوه ولاشيء .. الله العالم

وتقول مابختن بناتي ..

بس في وحده قالت ريال متزوج حرمتين وحده مختنه والثانيه لا ..

يقول يرتاح مع الي مب مختنه اكثر والله اعلم كانت كاتبه هالكلام ..

وبعد قريت في احد المنتديات النسائيه وحده ختنت بنتها وتمت تنزف لين ماماتت

عشان جي بنات ترى مب عند اي حد تعال وختن خصوصا البنت اي غلطه يصير لها نزيف ..

وكل وحده وحره .. بس انا ماختن بناتي ^^ ،،

وصدقوني مب الختان الي يبعد البنت عن طريج الحرام .. وايد اعرف مختنات ياما كشفوهم اهلم مع العلاقات الله يهيدهم

الي يحد البنت تبتعد عن طريج الحرام التربيه واهتمامنا ونعلمهم في امور الدين .. اما الختان مايخصه ..