شوفوا شو قالتلي الحرمه ..!! في الامارات

اليوم شافتني وحد وجان تقولي دام انج ماترضعين ولدج مابيحن عليج عقب

صدق الكلام ولا …؟؟؟؟

مممممممممممممم

انا بعد جد سمعت هالكلام

كنت سايره الصالووووووووون
فلبينيه يالسه اتسولف معاي
اتقول انا رضعت ولدي سنتين وشيء
وانا الحين اشتغل في دبي
كل يوم يتصل فيييييييييييييييني ويسال عني دووووووم
وهو معرس بعد

لكن اختها مارضعت ولدها
اتقول مول مايحن على امه ولا يسال عنهاااااااا

يلست تنصحني
اتقول زين رضعي ولدج

مممممممم مادري والله

اذا هالشيء صدق ولالا

لا ما يخصه انا ام ريلي مش مرضعتنه وهوه اكثر واحد قريب منها وحنووووووووون عليها بطريقه مش طبيعيه ولو تقوله اجتل عمرك بيجتل عمره عشان راحتها ….

انا بعد جد سمعت هالكلام

انا اعرف وحده مارضعت ولدها وهو متعلق فيها ومايفارقها وماشاء الله اذكى واحد فالبيت ..بس مدام الرضاعه انذكرت فالقران فطبعا لها فوائد من نواحي كثيره والواحد مايحس فيها..فطبعا الحليب الطبيعي دايما افضل من الصناعي ..لانه فهالايام كل البنات يخافن ع صدوهن عشان جي يقولن مابنرضع برايه الياهل ووايد سمعنا وشفنا

احس ان ارضاعه توطد العلاقه بين الأم وولدها بس مايحدد نسبة علاقة الأم بولدها
انا زوجي امه مارضعته وهو حنون عليها وايد
بس اشجع الرضاعه الطبيعيه وبنتي ولدي رضاعه طبيعيه
والله يستر ادا كبروا اناشالله مايروح ترضيعي هدر

بالفعل الرضاعة الطبيعية هي اتصال روحي بين الام والطفل مب بس تنقل له الغذاء عن طريق الرضاعة لكن تنقل له كل مشاعرها وانفعالاتها ولازم تكون الام مرتاحة جدا وغير منفعلة وهي ترضع طفلها
انا اعرف اخت مصرية كانت ترضع ولدها وتقرا سورة البقرة تخيلو الطفل وهو عمره 6 سنوات حفظ السورة كاملة ما شاء الله عليه لانه كان يسمعها وهي ترضعه وعمره شهور وتنقل له مشاعر الحب والحنان له