وبالرغم من انه الموضوع صار له اسبوع لكن ما تتصورون لين الحين كيف متأذية نفسيا
انا كان عندي امتحانات الفاينل وكانت المادة sociology المهم المادة كثييييير سهلة ومدرسها ايضا طيب المهم انا حاطة ببالي اخذ A في هالمادة لانها سهلة ….
لما دخلت قاعة الامتحان كان اسمي على اخر طاولة يمب الجدار يعني مافي وراي حد وعلى يميني جدار وعلى يساري طاولات فاضية وامامي كانت فيه وحدة وخرجت بسرعه الله العالم ليش بس حسب توقعي ماحلت شيء
المهم وانا في امان الله اكتب ومنهمكة احل لانه هالمادة اسئلتها كلها اشرحي وعرفي واكتب اكتب الا فجأة تيي المراقبة وتحط ورقة حمرا بقوتها كلها على طاولتي
الورقة الحمرا هذي يعني غش صريح عيني عينك ( لاحظوا قلت حمرا لانه ايضا يكون فيه ورقة صفرا وهذي معناه الشك في الغش)
طبعا انا ما استوعبت الوضع وقمت مثل المجنونة قلت لها شو هذا
تعرفون شو ردة علي
قالت ولا كلمة وكملي امتحانج وتطالعني باحتقار ( طبعا هي من زمان معروفة مستكبرة على الجميع مدري بها ليش)
المهم يلست اصاااااااااااااارخ واقولها ما بكمل الامتحان لين تقولين ليش اعطيتيني اياها تعرفون شو سوت راحت زقرت لي المدير وسارت هي يلست على الزاوية انا هني دمي حااااااااااااااااااااااااااااار ولا رضيت اسكت وسببت زوبعة في القاعة
المهم ولا رضت تتكلم بالاخر ما تتصورون كيف ماعاد عرفت احل شيء بالامتحان وبصراحة بكيت 
لاني انقهرت بداخلي وتخيلوا كل المعلومات طااااااارن وجلس المراقب الثاني يحاول يهديني عسب اعرف اركز حليت وخلصت ولكن ماكان بالمستوى المطلوب
المهم قالوا لي بالادارة لما سرت لهم انهم بينتظرون تقرير المراقبة شو مسكت علي وبعدها بيقرورون اللجنة هل يعطونج انذار او يفصلونج او يعطونج رسوب بالمادة اقسم بالله انهببببببببلت من القهر
وانا نازلة شفتها قلت لها انتي شو شفتي علي تعرفون شو قالت الللي ما فيها خير : قالت انا مامعي كلام معاكي اااااااااااااااااااااخ يالقهر
قبل يومين طبعا اللجنة قررت تعطيني انذار وارسلوا لي رسالة وما وضحوا بالرسالة هي شو شافت علي وانا بموت واعرف ليش اتهمتني بالغش
طبعا رجعت اليوم كتبت رسالة للمدير واللجنة اطالب فيها بانصافي بعدل وانهم يخلوني اواجهها ويوضحون لي هي شوووووووو شافت عليا وطالبت بتعويض وهو الانصاف ( مش فلوس) على الاذى النفسي اللي سببته لي وعن تشويها لسمعتي امام الجميع باني غشيت وهي ما تملك اي دليل واحد
هذا كل اللي صار والان انتظر رد اللجنة علي بعد يومين دعواتكم الله ينصرني على هالاشكال
وقلبي معاج
والله بياخذ حقج
بس هي ليش سوت فيج جي ..؟!
ع كلن الله يسآمحها ..!!!
وان شاء لله ينصفونج ..!!!
وانشاء الله تبين الحقيقه
والله قهر
يا رب يا كريم تنصر حنين على المراقبة
امييييييييييييييييييييييييييييييييييين
فديتج خلج عند موقفج و لا تتراجعين وادعي من قلبج لانج فعلا مظلومة
والله بياخذ حقج
اتريااج تبشريناا
الله ينصرج يا رب