اذا ماودكم أنا ودي ههههههههه
أبوى توفى وتوني عمري ثلاث سنين وصج مااذكر شي بس اللحظة اللي دريت فيها
حسيت اني غادرت الطفولة للأبد وحسيت أني بديت أفهم الأمور مثل الكبارواحسن بعد ههههههه
ومع أنه كنت ببيت أبوي وبين أخواني بس ماأرتحت عشان مرت أبوي واعيالها اللي أهم أخواني بس بيني وبينهم فرق بالعمر يعني أنا كبر اعيالهم
فقلت يمه خلينا نطلع بيت ثاني وأهي مارضت اتقول مأأبي أبعدكم عن أخوانكم
ومرت أبوي تعاملني كأني شريكتها وقلبها قاسي
وكانت قاعده ويانا مع أنه مالها حق بالبيت بس كله من أمي ( أهي خذت نصيبها من الورث وأخذت زياده علية أموالنا ) وياربي اللهم لاشماته كان ربي مبتليها بكل شي وصفة عن أكل مال اليتيم
يعني صج كان نار عليها
وطبعن أمي ربتني على الطيبه والمتسحا وصارت أموري أني أتعامل معاها لوجه الله فلاهي تقرب لنا ولاشي تخيلوا الطفلة اتعامل لوجه الله وأهي جبارة حدها واعيالها مثلها
وتدّخل واحد منهم بحياتي00 بكل التفاصيل يعني ماكان له شغله غيري شنو لبست وشنو قاعده أسوي وحرمني من الجامعة مع أني كنت من العشر الأوائل أغلب شي
طبعن بعدها دشيت الكلية قسم كيميا بس مو الجامعة لأ التطبيقي وكنت واصلة حدي منهم مابين برود أمي اللي سامحت لهم يتصرفون فيني ومابين عمايلهم
وطبعن من دشيت الثانوية وأنا انخطب بس أمي كانت ترفض مع أني كل حلمي أني أطلع عنهم وعن دنيتهم عذرها أنها تبيني أسكن بروحي وأهم ويا أهاليهم والصج ماينلامون لأنه أعمارهم 19 و21 كلهم عاد مشت الأمور مثل ماقلت لكم وأكثر بحكم أني صرت شابه فلازم يزيد حقدهم علي ( ماكنت عارفة ليش وراح اتعرفون بعدين)
قبلها كان الثعلب أخوي هذا كان يدز على أخوي الصغير عشان أكتب له توكيل عام ووداني الصغير للمحكمة عشان أسوي توكيل للكبير وقمت اتعيبط جدام القاضي جني مو فاهمة وقمت أسأله شنو فايدة التوكيل قال يابنتي معناه يتصرف فيج وبأموالج على كيفة موافقة قلت لأ جان خاف أخوي الصغير وقبل يتكلم القاضي خاف أخوي لاأكمل كلامي فقال خلاص خل انروح البيت
ويوم رديت اللأ استلموني تهزيــئ والنصابين يقولون أحنا نبي مصلحتج وأحنا مو ميتين على ملايينج هههههه مو ميتين على ملاييني اذا تدرون ماكان عندي ملايين ليش امانشبيني على شي اقل من الملايين هههههههههههه
( عرفتوا الحين ليش)
نسيت أقولكم أني أعرف بالقانون يعني درسوني اياه بالاضافة للي كنت اقراه بالجرايد
المهم اهنيه طفح كيلي
قلت يمه خلاص مالنا قعده فالبيت وثاني يوم شدينا لبيت ثاني والله ياأني ارتحت وحمدت الله
بس على بالكم خلوني لأ لحقنا ولدها ايهدد يقول لو لأمي دينار واحد ماراح أخليه
ياربي لاحظوا تركنا البيت مع أنه لي ولأخوي الصغير بس
المهم قلت له لو لها دينار انا اللي برده له لاتخافون لأني ماأحب الظليمه
وأبوي الله يرحمه صلى العصر وتوفى بمسجد بالسعودية على أساس كان امسافر يدورواحد من ربعة افقدوه أهله وماأذكر من طيوفه الأ اني كل مادشيت الديوان ألقاه يصلي ورافع السبابة
وتوفت مرت أبوي بعد فترة من طلعتنا أكيد مااستحملت افراقي هههههههه
واتصدقون اليوم اللي شدينا بعد أهم شدوا فيه وكل واحد فيهم سكن له بيت بروحه عيالها اثنينتهم
المهم ردينا وبنينا البيت من جديد وهالشي من قبل كل فترة وفترة بنا وتجديد
وسكناه
بس من ردينا اشوف رؤيات وأحلام عن مرت أبوي صج أنا ماأفكر فيها بس
أقولكم شنو أشوف
كأنها تسبح بالنار
ورؤيا ثانية تقول سامحيني أنا سحرتج
ورؤية ثالثة ورابعة كلهم عن هالموضوع
وتذكرت شغلة أول كنت مجنونة قرآن وذكر يعني حتى دقات قلبي جذي امرمجتها
يعني ماكنت امقصرة بهالشي
لكن مع ذلك كنت أحس بخنقة موطبيعية والله الأكسجين ماأدري اشلون صاير
وأتذكر أنه أموري ودنيتي كلها أوقفت فجأة مع أني أذكر واستغفر وماشية بمعظم المطلوب لكن بحياتي مافكرت بهالشي
ولولا الحلوم والرؤيات يمكن مانتبهت أنه فيه سبب لعذابي الداخلي بالاضافة لأن الناس فجأة اقلبوا ضدي وعداوات من غير سبب
والله لو اسمع أي وحده اتكلم عن السحر اقول خرابيط
لكن كنت أعاني وماني شايفة سبب معروف لاعندي ولاعند الدكاترة
المهم وأنا اقرا بالنت من شهرين تقريبا لقيت وحده كاتبة عن القسط وأنه علاج عن الرسول الكريم
فقلت يالله بجرب موخسرانه شي
اتصدقون حسيت بتحسن مع أني من أولى ثانوي مانمت نومه هنيه فزع وكوابيس وضربات قلب ورعب فجائي كأن قيامتي قامت من دشيت ال14 أهوال ماذاقها أحد
بيني وبين نفسي وبيني وبين روحي وعقلي
وأتنفس ولاكأني أتنفس مافيه هوا أصلن
غير أني أذاكر بتركيز ولافيه فايده
غير أني كل مامشيت ألقاها امسكرة بوجهي من دون الكل
والله ثم والله على بالي كان مغضوب علي فكنت أكثر قراية وذكر اكثر من احتمالي وألقاني كل ماقريت تعذبت أكثر وأكثر
وأغالب نفسي وأزيد بالقراية طفحان كيلي بس كل مازاد عذابي زدت بالتعبد أكثر وهكذا
لــــــــــــــــــــــين صرت اشوف أنوار الرحمن في غرفتي وسقفي ولكن ماكان راح من عذابي شي
بكي من غير سبب
كارها نفسي لله فالله
احس برعب اذا اطلبوا مني أقعد وياهم والأ ويا مساييرنا
المهم ياحلوك يالهوا
ماتنفسته الأ يوم قمت استعمل القسط اشربة ويا الحليب واتبخر منه قبل اذان المغرب
اتصدقون حسيت كأني طحت من أعلى مكان وتلقفتني الرحمة
صرت أحس بالسعاده والرضا وصرت أحب أضحك
وين كنت ووين صرت يارب لك الحمد
كنت أول أحس شي غامت قلبي واضلوعي الحين بح
يارب يبارك فيها اللي سولفت عنه
عاد يقولون أنه السحر فيه منه كل فترة يصير بجزء من الجسم عشان ايدمرة اللهم احفظنا
بالنسبة لي أمري لله من قبل وبعد بس هالقسط بمثابة اكتشاف نقلني
من الجحيم للراحة والنعيم
ويمكن وأنا أكلمكم وصلت 75 % من الشفا
والله يكمل جميلة لأن أبي اكثر وأكثر مستانسه حدي مو امصدقة أني طبت ههههههه
والله اني متشققة من الفرحة ههههههههه
يقول مساعد الرشيدي
من رد للجنة عقب صالي النار —- حتى السموم ايصير عنده برادي
ترى هذي تفاصيل المختصر لاتقولون طولت عليكم ههههههههه
الله يسعدج ويبعد عنج الشر يا أختي ويرزقج بولد الحلال اللي يعوضج عن كل اللي راح ولا تنسين تترحمين على حرمة أبوج والمسامح كريم،،
وأنا بعد حبيت أعرف شو هو (( القسط ))؟؟؟؟؟
حبيبتي شو هو القسط و شقايل استخدمتيه