اما الثياااب لا مالهااا دااعي
نحن من عاداتناا المكسار وبالعكس شي حلو وماشوف فيــه شي واللبس يوم ينعرض غير عن يوووم تكوون العروس لابستنه والناس ماتذكر اصلا
وبخصوص اطقم الماس منو قالج ان لازم يكوون كبير ودفش !! بالعكس ها يعتمد ع الذوق والحين الاطقم الناعمه وصلت 300 الف وفووق
ومعـروف ان عقود الالمااس غااليه وتوصل سعرها للملايييين .. انا خاليته ماخذه عقد عرسهاا نااااعم بحدود ال 280 الف .. مب شرط كبير ودفش عشان يكون غالي .. حتى الناعم غااالي .. والغالي للغالي 
يبرز ذوقج وكيف ترتبين أغراظج وتعرضينها.. تكون فرصة تقدمين ستايلج والأغلب يتكلمون عن ذوق العروس وأهلها واذا ذوقها ناعم لازم بيبرز واذا لأ بعد يبين..الشنط والبوكسات وايد يغطون على الأغراض يعني ما راح تكون باينة شو هي بالضبط
بس ينعرظ الذهب اللي شاريتنه والهدايا اللي ياتج
يمكن انتي مش متعودة عسب جي تحسينه غير
وما يعطي معنى عادي إذا ما سوته العروس
و ترا حتى ألحين في وايد بدو مايسوون مكسار وفي وايد حضر ما يسوون ليلة حنا (حسب )
حبوبة مش ذاكرة المبلغ كم
وموفقة ياربي
سالفة المكسار جديمه حدها
حبيبتي هالمشكله صارت حق خويه العود الله يرحمه لما بغى يعرس
عاده عمي كان هو ابو العروس اصر اصر على ابويه الله يرحمه الا يسوون مكسار
وفوق هذا كل دقيقه تتصل مرت عمي على امي و تقول لها الا مكسار مع ان هلي عادي عندهم سواء سووا مكسار او ما سووا مكسار .. و هالوقت انا ما كنت مولوده يعني سنة 88 و من هالفتره شوي شوي قامت العاده تقل ..
الحين امنو يسوي مكسار ؟! خصوصًا اذا انتي من هل دبي صدق والله
الحين عندنا في دبي محد يسوي مكسار قاموا يسوون بدل المكسار " ليلة الحنا و ليلة الذهب " …الخ اي ليلة
و حتى قاموا يسوون " ليلة مغربيه او ليلة هنديه " يكسرون التقاليد شوي ..
بيني وبينج ؟! انتو مب مجبورين تسوون حسب كلام اهلكم !!
انتو حرين شو تبون تسون في العرس !!
نفس اختي لما عرست كانت تبا تسوي ليلة الحنا و الكل طاح فيها و قال لها مب شي و حركات العيم
بس صدق والله اشحلاتها وهي لابسه فستان نيلي و لابسه فوقه ذهب جديم من ذهبان يدتي الله يرحمها
و الليله كانت حلوه و الكل قلدها عقب بهالحركه .. و خصوصًا صوب قوم عمي اشقايل كانوا يرمسون و مب عايبتنهم السالفه !! بس ما سوينا سالفه لهم . . .
هل هم لما يسوون عرس ياخذون رايكم ؟! لا ما ياخذون !
اصلا مب حلوه يقعدون يعرضون ثياب العروس اساسًا مب شي ..
اوكي الذهب مب مشكله بس الثياب و الجواتي و الشنط ؟!
لو انا مكانها والله لو امنو قالي اعرضي ثياب عرسج و سوي مكسار !! مستحيل اسوي
ليش اسوي ؟! اعرض ملابسي و اعرض اغراضي عسب احصل كل بنات العايله مقلدين لووول
تدرين اكبر دليل لما اختي سوت ليلة الذهب عرضت ذهبها بس و من ضمن الذهب عرضت ساعتها اللي بتلبسها آخر ليلة والله والله ما اجذب عليج ان خوات ريلها اللي هم بنات عمتي كلهم لبسوا نفس الساعه و حتى حريم عيالهم لبسوا نفس الساعه و الساعه حلوه حلوه حلوه وايد ..
كلها كرستال و لولومن صغار يعني هي فخمه على ناعمه و راقيه بشكل راااااقي راقي ..
بس شو الفايده و الكل لابس نفسها ؟! خصوصًا العروس لازم تكون مميزه .
بصراحه انا معاكم مب شي هالحركه و صارت دثريه و جديمه حدها
و صدق حركة مب راقيه انج تعرضين ثيابج بس باجي تعرضين ملابسج الداخليه و قمصان النوم
لا يابوج بلاها !!
عرس مرت اخوي
شوووو سوت
يابت عارضه ازياء ولبستها كل الفساتين والمخاوير والعقود وشنط
وقبل لا تطلع العروس عرضوو زهابها على شاشه وبندووو اليتات وشغلووو الشموع لى على السنتر بيس الكل
تخبل على الحركه مكسار بس بطريقه الفيديو الكليب حداثه لان وحده من الخوات قالت حركه قديمه ومب كل
المعازيم راح يحضرون المكسار انصحج بشده هههه عجبتني بشده انج تسوين هالحركه وراح ترضين
الطرفين ووان شاءالله اكون افدتج والله يبعد المشاكل