تفضلوا لا تستحون
عندي لكم موضوع جابه اناقشه وياكم <<<فديتنا والله نحب نتناقش
المهم كل وحده تكتب رأيها أوتجربتها في هالموضوع يا الله مابطول عليكم
سؤالي هو هل الزوج إلي متوفيه عنه أمه شرات الزوج إلي امه عايشه <<الله يحفض امهات المسلمين
الرجل إلي متوفيه عنه الام
مثلا هل بيكون علاقته قويه مع حرمته يشكيلها ويلجألها وقت ما يحتاج حنان الأم يبكي عندها إذا واجه ضغوطات في حياته يلاقي صدر حنون يضمه ويحن عليه مثل امه……
انا من رأي الرجل إلي عنده أمه وهو بطبيعته متعلق فيها قبل ما يضهر من البيت يبوس راسها ويوم يدخل يبوس راسها يرتمي في حضنها وكأنه طفل لأنه اهو طفلها مهما كبر يشكيلها يستشيرها يعتمد عليها تحفض اسراره ……
وقدر الله جا اليوم إلي يفقدها هل بيعوض إلي فقده في حرمته هل بالأصح حرمته بتعوضه عن الحنان الي فقده من امه أنا من رآي احس إنه الريال إلي امه متوفيه متعلق في حرمته لأنا هي له الأم والأب والأخت والصديقه والحبيبه
وانتوا شو رايكم؟؟؟؟؟؟؟؟؟؟؟؟
بس أظن إنه بيكون أحسن لو كانت متوفية,,,مادري بس هذا رايي
ام ريلي مب متوفيه
بس احس ريلي دوم يشكيلي يعني ما صادفت ان مرة سار لها واشتكالها…
لو كان متعود عليها وكله يشكيلها اكيد محد بيعوضه حنانها
اما لو علاقته سطحيه وامه مقصره وياه زوجتة بتعوضه بحنانها وكلن على حسب
يمكن زوجتة ماعندها حنان
ويلجا لامه ويمكن العكس
يعني .. ريلي أكيد يحب أمه و هذا شي طبيعي
بس يوم أسألها مامر عليج ما أتصل بج تغير
الموضوع ما أدري ليش !!
بحكم عمله وكثرة مشاغله أحب أذكره بأمه دايما!!
المشاركة الأصلية كتبت بواسطة mimi>>> 
بس أظن إنه بيكون أحسن لو كانت متوفية,,,مادري بس هذا رايي
فديتج والله انتي الأحلى وربي يرزقج بالريل الصالح