بما اني مالجهـ من فترهـ بسيطهـ.. يهـ هالموضوع ع بالي…
انهـ شلون بتكون حياتي عقب العرس..
هل بتكون كلهـ دلع وحب وغرام نفس ما كل البنات يفكرون..؟؟
ام انها بتكون مب شي وملل..؟؟
ام انها بتكون نص نص؟؟
وبما انهـ الانسان نفسهـ هو اللي يبني سعادتهـ.. فقلت خلني احط هالموضوع حق المالجات واللي بعدهم عشان يستفيدون من خبرة المعرسات ونصايحهم ويعرفون شلون يبدون حياتهم ويأسسونها بطريقهـ ناجحهـ…؟!
فياريت كل وحدهـ تدش تعطينا جي كمن نصيحهـ حق عقب العرس نعرف فيها نبدا حياتنا الجديدهـ …
بس مابي حد يدش ومايرد !!
وثانكسـ … ^^
اب اب
يعني مستخسرين فينا النصيحهـ..؟؟ 
السعيده بتقولج كلها دلع و حب
واللي الله بلاها بتقول ارف و ملل
كل وحده ولها تجربه خاااااصه خاااااااصه خااااااااصه فيها
بس اللي اقدر اقوله لج
انه مشاغل الدنيا تاخذ الريل و تاخذج بس ف النهايه الحياه الزوجية الناجحه سعيده بكل اوقاتها الحلوة و المره
الله يهنيج و اسمحيلي هذا راي
اول العرس عسل وحلاوه واكتشاف لعالم مجهول بالنسبه للبنت وتبدين تعرفين على شريك حياتج مثل ما قلتي دلع
.gif "12 (55)")
وحب وغرام .gif "44 (23)")
بعد هبة العرس يعني بعد شهر العسل تبدا المسؤوليه ريلج يرد للدوام واذا كنتي فبيت بروحج تبدين تشيلين هم الطبخ والتنظيف
.gif "12 (81)")
وكوي الملابس(طرشيها للدوبي احسن بحجه ما اعرف اكوي هههه)وعقب بتكتشفين صفات غريبه بريلج اول مره تشوفينها
خصوصا انهم وقت الملجه يتصرفون برومانسيه ويدللون البنت على حبه ونص وتبدا رحلتج ومعاناتج بتغييرها للافضل
مثل عاداته برمي ملابسه على الارض او طريقة اكله او كلامه معج او انه يقلب الكبت فوووق تحت اذا كان يدور تيشيرت معين بعد ما قضيتي ساعات وانتي ترتبينه او او او الخ
وعقب فديتج ايي هم الحمل كل شهر اذا يت الدوره (عفوا) تسألين عمرج ليش ما حملت
.gif "12 (53)")
واذا حملتي اييج الوحام وهم الوحام
بس خلنا نتكلم جد شوي.gif "12 (43)")
الحياة بعد الزواج حلوه بمجملها البنت تحس بنضج اكثر وبمسؤوليه تجاه بيتها وزوجها ونصيحه مني حبيبتي اهم شي انج ما تعاندين ريلج ترى االريل ما ايي بالعناد وخلج صبوره كل شي بالصبر ايي على ما تبينه انتي وحاولي تتنازلين شوي عن زلات ريلج( الصغيره) حتى السفينه تمشي مثل ما يقولون
اتمنى اني ما اكون طولت بردي واتمنى لج حياة سعيدة وبالتوفيق
وعندي كذا نصيحه وان شاء الله بتفيدنا كلنا :
اول شي ) نتوكل على الله فكل شي
ثاني شي ) كوني راضيه تماما بكل تغيير راح يصير
واهم شي نكون عاقلات مب كل شي فبالنا نسويه
ونهتم بعمارنا وايد واايد وبالحياة الزوجية اكثر
لازم نطبخ ونهتم بالزوج وباهل الزوج بعد
لازم نحترم كل شي يحبه زوجنا وما نحبه
وبعد لازم نحببه شوي شوي بلاشياء اللي نحبها
ولازم نخلي كل لحظاتنا حلوة معاهم مهما كنا نعاني
من احزان او ضغوطات .
لازم نكون زوجات وامهات عيال بمعنى الكلمه
ونصبر على رياييلنا واللي نباه نطلبه من الله
لانه هو الوحيد اللي يعطي ويغير ما يشاء
اتمنى قلت اللي يكفي ولو اني ما عرفت كيف ارتب كلامي
وجعلهـ اللهـ في ميزان حسناتكمـ ^^