)()( شله : معقول هذا الشيء يا ناس قد صــار بصوت طفل ( رووووعه ) )()( الفتاة المسلمة

سمعت شله على الايميل وعيبتني

تتحدث عن ملابس بعض البنات واللي نشوفهم بكل مكان …

قصيدة || معقول ||

وهذي الكلمات :

معقول هذا الشيء يا ناس قد صــار

معقول هذا اللي نشوفه يصيـر ي

معقول لا لا ماتخيل هالأفكار

ان نشوف البنت تلبس قصيـري

تلبس بناطيل وتنانير قصار

بلايز ماتستر إلا اليسـيـري

والصدر مكشوف على كل الأنظار

والبطن يظهر سره المستديري

ياللأسف صار التعري له أنصار

والستر مستنكر وماله نصيري

قل الحياء والدين خوف من النار

والخوف من رب سميع بصيري

معقول هذا الشيء يا ناس قد صار

معقول هذا اللي نشوفه يصيري

الرجل مستور وهي سترها طار

مع التحرر والتمدن يطيري

تمشي مع الموضه ولا همها إنكار

من ينكر المنكر وعنده ضميري

تشري ملابسها وتلبس وتختار

اللي تبي وتقول أنا مثل غيري

تدفع اشراء الماركات أغلى الأسعار

ولا عليها من صغير وكبيري

تقول خلونا على كيفنا أحرار

كل على كيفه وفكره يسيري

والأمي تدري مالها رأي بالدار

لاتستشار ولا على أحد تشيري

والرجل مسكين يدبر ويندار

ما عنده أمر وما بغنه يصيري

سواقهن يضرب بهن كم مشوار

للسوق والمشغل ويم الكوفيري

هذا زمان فيه الأخلاق تنهار

بإسم التطور إنهيار خطيري

ربتهم*** على الفحش والعار

واللي بروتنا سقيط ودشيري

والـ lbc نشر الرذيله لها شعار

أم التعري شرها مستطيري

والـ art فيها بلى كل الأعمار

مزابل فيها فساد كثيري

أخص في هذا ولا أعم الأخيار

اللي بهم في كل الأوقات خيري

معقول هذا الشيء يا ناس قد صار

معقول هذا اللي نشوفه يصيري